मुंबई : संगीताच्या क्षेत्रामध्ये प्रल्हाद शिंदे, आनंद शिंदे यांनी स्वतःचे स्थान निर्माण केले आहे. आजोबा आणि वडिलांनी निवडलेली वाट न निवडता उत्कर्ष शिंदेने डॉक्टर होण्याचा निर्णय घेतला. अर्थात डॉक्टर होऊनही संगीताचा वारसा तो पुढे नेत आहे. त्यामुळेच डॉक्टर गायक, गीतकार म्हणूनही काम करत आहे. असा हा बहुगुणी गायक डॉक्टर च्या घरात स्पर्धक म्हणून सहभागी झाला आहे. बिग बॉस मराठी ३ मध्ये स्पर्धक म्हणून सहभागी झालेला याचा जन्म ११ जानेवारी १९८६ मध्ये झाला. शिंदे घराण्यात जन्म झाल्यामुळे उत्कर्षच्या रक्तामध्येच संगीत आहे. त्यामुळे तो पेशाने डॉक्टर असूनही वडील आणि भावाच्या पावलावर पाऊल टाकत संगीताची आराधना देखील करत आहे. उत्कर्षने गायलेले 'महामानवाची गौरव गाथा' हे गाणे खूपच लोकप्रिय झाले. उत्कर्षचे वडील म्हणजे प्रख्यात गायक आनंद शिंदे. आनंद यांना तीन मुले आहेत. हर्षद, उत्कर्ष आणि आदर्श. आनंद, उत्कर्ष आणि आदर्श यांनी 'प्रियतमा' या सिनेमाच्या गाण्यासाठी पहिल्यांदा एकत्र गाणे गायले आहे. उत्कर्ष याने त्याचे डॉक्टरकीचे शिक्षण पुणे, मुंबई, लंडन आणि अमेरिकेत घेतले आहे. उत्कर्ष एमडी आहे. त्याने पोस्ट ग्रॅज्युएशन लंडन येथे तर पीजीडीईएस अमेरिकेत केले आहे. वैद्यकीय क्षेत्रात कार्यरत असण्याबरोबरच उत्कर्ष हा गायक, संगीतकार इतकेच नाही तर गीतकार आणि अभिनेता देखील आहे. त्याचप्रमाणे उत्कर्ष हा सामाजिक आणि राजकीय क्षेत्रात सक्रीय आहे. डॉ. उत्कर्ष शिंदे च्या कामाच्या बाबतीत सांगायचे तर त्याने 'हाक मारतेय कोल्हापूर', 'गो करोना, करोना गो', 'से कोव्हिड योद्धा', 'हळदीचा सोहळा' ही गाणी गायली आहेत. त्याचप्रमाणे त्याने 'महामानवाची गाथा' हे गाणे लिहिले. याशिवाय त्याने हे गाणे भाऊ आदर्शबरोबर गायले आहे. सामाजिक आणि राजकीय क्षेत्रात काम करण्याचा अनुभव गाठीशी असलेला डॉ. उत्कर्ष शिंदे बिग बॉस मराठी ३ च्या घरात कसा स्वतःला सिद्ध करतो याकडे सर्वांचे लक्ष लागले आहे.
from Marathi Bollywood News, Marathi Cinema News https://ift.tt/3AvzUeg
