मुंबई " 'तुझ्या माझ्या संसाराला आणि काय हवं' या नव्या मालिकेतून प्रेक्षकांचा लाडका राणा म्हणजेच अभिनेता एका नव्या भूमिकेतून प्रेक्षकांच्या भेटीस आला आहे. अगोदर राणादा ही लोकप्रिय भूमिका निभावल्यानंतर आता त्याच्या अगदी विरुद्ध भूमिका साकारण्याविषयी तो सांगतो; 'ही नवी भूमिका साकारताना नक्कीच थोडंसं दडपण आहे. अजूनही प्रेक्षक मला राणा म्हणून ओळखतात आणि त्याच नावानं हाक मारतात. त्यामुळे सिद्धार्थ म्हणूनदेखील माझी ओळख व्हावी यासाठी मी प्रयत्न करतोय. त्यासाठी भूमिकेची देहबोली, दिसणं, बोलणं या सगळ्याकडे मी खूप लक्ष देतोय. राणा हा खूप भावूक होता; सिद्धार्थ खूप व्यावहारिक आहे. त्यामुळे विरुद्ध टोकाची भूमिका निभावताना मी माझे शंभर टक्के देत आहे. प्रेक्षक राणासारखंच सिद्धार्थवरदेखील प्रेम करतील याची मला खात्री आहे. पण या भूमिकेत आणि वैयक्तिक माझ्यात एक साम्य आहे. सिद्धार्थसारखाच मीही खऱ्या आयुष्यात व्यावहारिकदृष्ट्या विचार करतो. तसंच सिद्धार्थप्रमाणे मलादेखील एकत्र कुटुंबपद्धत आवडते.' हार्दिकच्या या नव्या रुपाला प्रेक्षकांचा चांगला प्रतिसाद मिळतोय.
from Marathi Bollywood News, Marathi Cinema News https://ift.tt/2YNOlwx