मुंबई : बॉलिवूडमधील ज्येष्ठ अभिनेते यांचे अधिकृत असे ट्विटर अकाऊंट बंद करण्याचा निर्णय त्यांच्या कुटुंबियांनी घेतला आहे. याबाबतची घोषणा दिलीप कुमार यांचे कौटुंबिक स्नेही फैजल फारुखी यांनी दिलीप कुमार यांच्या ट्विटर अकाऊंटवरून केली आहे. दिलीप कुमार स्वतः सोशल मीडियावर फार सक्रीय नव्हते. परंतु त्यांच्यावतीने फारुखी हे ट्विटर हँडल सांभाळायचे. दिलीप कुमार यांचे ट्विटर अकाऊंट बंद करण्याचा निर्णय त्यांची पत्नी सायरा बानो यांच्या सहमतीने घेण्यात आला आहे. अभिनेते दिलीप कुमार यांचे ७ जुलै रोजी २०२१ रोजी निधन झाले. ते ९८ वर्षांचे होते. चाहत्यांचे मानले आभार फैजल फारुखी यांनी ट्विटर अकाऊंटवरून केलेल्या ट्विटमध्ये नमूद केले आहे की, ' बरीच चर्चा आणि विचारविनिमय केल्यानंतर, सायरा बानूजी यांच्या संमतीने, मी दिलीप कुमारसाहब यांचे हे ट्विटर अकाऊंट बंद करण्याचा निर्णय घेतला आहे. तुम्ही सर्वांनी केलेल्या प्रेम आणि दिलेल्या समर्थनाबद्दल धन्यवाद...' या ट्विटर अकाऊंटवरून दिलीप कुमार यांच्या आरोग्याविषयीची माहिती दिली जायची. दिलीप कुमार यांचे हे अधिकृत ट्विटर अकाऊंट नोव्हेंबर २०११ मध्ये सुरू केले होते. आतापर्यंत या अकाऊंटला सहा लाखांहून अधिक युझर्स फॉलो करत आहेत. सायरा बानो होत्या रुग्णालयात काही दिवसांपूर्वीच सायरा बानू यांची प्रकृती बिघडल्याने त्यांना मुंबईतील हिंदुजा रुग्णालयात दाखल केले होते. उच्च रक्तदाब आणि उच्च मधुमेह या समस्यांमुळे त्यांना रुग्णालयात दाखल केले होते. सायरा बानो या ७७ वर्षांच्या आहेत. तसेच त्यांच्या काही टेस्ट केल्या असता त्यांना एंजिओग्राफी करण्याचा सल्ला डॉक्टरांनी दिला आहे. त्यांचा मधुमेह नियंत्रणात आल्यानंतर एंजिओग्राफी करण्यात येणार आहे. दरम्यान, दिलीप कुमार यांच्या निधनानंतर सायरा बानो एकाकी झाल्या असून त्या खूप निराश झाल्या असून खचल्या आहेत. दिलीप कुमार आणि सायरा बानो यांचे १९६६ मध्ये लग्न झाले. या दोघांनी अनेक सिनेमांमध्ये काम केले, त्यात दुनिया, बैराग यांसह अनेक सिनेमांचा समावेश आहे.
from Marathi Bollywood News, Marathi Cinema News https://ift.tt/3tK6fvm
