मुंबई- छोट्या पडद्यावर टीआरपीचे अनेक रेकॉर्ड तोडणारी मालिका '' पुन्हा एकदा नेटकऱ्यांच्या निशाण्यावर आली आहे. मालिकेत सध्या दाखवण्यात येणाऱ्या कथानकाला प्रेक्षक विरोध करताना दिसतायत. मालिकेमध्ये अरुंधती संजनाला प्रत्येक गोष्टीत मदत करताना दाखवली आहे. त्यामुळे अरुंधतीच्या अतिचांगुलपणाला प्रेक्षक वैतागले आहेत. संजना वारंवार अरुंधतीचा अपमान करत असूनही अरुंधती प्रत्येक क्षणाला तिच्या मदतीसाठी तत्पर असल्यानं प्रेक्षकांनी एवढं समजूतदार कुणीही नसतं म्हणत कथानकाला विरोध केला आहे. मालिकेच्या कथानकानुसार सध्या अरुंधती आणि संजना एकाच घरात राहत आहेत. त्यात गणपतीचे दिवस असल्याने घरातील सर्व जबाबदारी घटस्फोटानंतरही अरुंधतीने स्वतःच्या खांद्यावर घेतली आहे. तर संजनाला कुठलंही व्रत वैकल्य माहीत नसल्याने अरुंधती सतत तिला मदत करताना दिसते. परंतु, इतकं असूनही संजना तिचा मूळ स्वभाव बदलत नाही. संजना अरुंधतीचा अपमान करण्याची एकही संधी सोडत नाहीये. त्यात ऑफिसमध्ये नोकरी मिळवण्यासाठी संजनाचा बॉस तिला कॉम्प्रोमाइज करायला सांगतो. आता अरुंधती याबाबतीतही संजनाची मदत करणार आहे. प्रेक्षकांचा या गोष्टीला प्रचंड विरोध होताना दिसतोय. एकतर एवढं चांगलं या जगात कुणी नसतं आणि जरी असलं तरी ज्या बाईमुळे आपला संसार मोडला तिला एवढी मदत कुणीही करत नाही, असं म्हणत नेटकरी कथानकाची थट्टा उडवतायत. एका युझरने प्रतिक्रिया देत लिहिलं, 'अरुंधती जरा जास्तच चांगली आहे. संजनाच्या चारित्र्यावर संशय घेतलाय त्यामुळे ती संजनाला मदत करतेय हे ठीक आहे. पण कोणतीही स्त्री अशा स्त्रीला मदत करायला जाणार नाही जिच्यामुळे आपला २५ वर्षांचा संसार मोडला.' आणखी एका युझरने लिहिलं, 'अरे हे तर सवत माझी लाडकी झालं. दुसऱ्या एका युझरने लिहिलं, 'हिला कुणीतरी आवरा रे.' अशा पद्धतीने प्रेक्षक कथानकाची थट्टा उडवताना दिसतायत.
from Marathi Bollywood News, Marathi Cinema News https://ift.tt/3EQIgjl
