मुंबई- कलाकारांनी त्यांच्या वैयक्तिक आयुष्यात काहीही केलं तरी सोशल मीडियावर त्यांना ट्रोल करण्याचा जणू प्रघात पडला आहे. नेटकरी कलाकारांना त्यांची मतं सांगण्यासाठी उत्सुक असतात. कलाकारांच्या फोटोवर वाईट कमेंट करून त्यांना ट्रोल करणं अनेकांचा आवडता छंद झाला आहे. परंतु, काही कलाकार नेटकऱ्यांच्या या ट्रोलिंगला सडेतोड उत्तर देताना दिसतात. मराठमोळी अभिनेत्री हिने नुकताच तिच्या शरीरावर एक टॅटू गोंदवून घेतला होता. भाग्यश्रीने या टॅटूचा फोटो चाहत्यांसोबत शेअर केला. काहींनी भाग्यश्रीचं कौतुक केलं तर काहींनी तुम्ही धर्माचा अपमान केला आहे असं म्हणत भाग्यश्रीला ट्रोल केलं. यावर भाग्यश्रीने ट्रोलर्सना सडेतोड उत्तर दिलं आहे. भाग्यश्रीने कमरेच्या वर आणि छातीच्या थोडं खाली गोंदवुन घेतला. त्यावरून तिच्यावर टीका करण्यात आली. ट्रोलर्सना सुनावत भाग्यश्रीने लिहिलं, 'कोणत्याही धर्माचा अपमान करावा आणि त्याची अवहेलना करावी एवढी मोठी मी नाही. मी माझ्या धर्माचा दुसऱ्यांप्रमाणेच आदर करते आणि करत राहीन. महादेव मला प्रिय आहेत आणि त्यांचा मंत्र मी गोंदवून घ्यावा ही माझी इच्छा. फॅशन म्हणून करायचा असता तर मी या आधीच गोंदवला असता. पण हा माझा पहिला आणि शेवटचा टॅटू आहे कारण ती माझी इच्छा आहे. तेव्हा निदान त्याचा मान ठेवून कोणीही काहीही कमेंट करणं बंद करावं. आणि तो टॅटू मला झाकून ठेवायचा असेल तर ती माझी इच्छा आहे. तो कुठे असावा हे तुम्ही ठरवू नका आणि मला सांगू नका. त्यासाठी उगीच अपशब्द वापरू नका.' अशा शब्दात भाग्यश्रीने सडेतोड उत्तर देत या ट्रोलर्सना सुनावलं आहे. एकीकडे भाग्यश्रीच्या टॅटूला तिच्या चाहत्यांची पसंती मिळत आहे तर दुसरीकडे काही नेटकरी भाग्यश्रीला ट्रोल करत आहेत. भाग्यश्रीने यापूर्वी 'काय रे रास्कला' आणि 'माझ्या नवऱ्याचा प्रियकर' या चित्रपटांमध्ये काम केलं आहे.
from Marathi Bollywood News, Marathi Cinema News https://ift.tt/3kDt3d9
