नुसरत जहाँच्या बाळाचे वडिल कोण? जन्मदाखल्यावरून झाला खुलासा

मुंबई : तृणमूल काँग्रेसची खासदार आणि अभिनेत्री नुसरत जहांने २६ ऑगस्ट २०२१ रोजी मुलाला जन्म दिला. अभिनेत्री नुसरतच्या प्रेग्नंसीवरून खूप चर्चा झाली. कारण नुसरतअनेक महिन्यांपासून तिचा पहिला नवरा निखिल जैन याच्यापासून विभक्त झाली होती आणि ती वेगळी रहात होती. नुसरत आणि निखिल हे एकमेकांपासून वेगळे होत असल्याची बातमी आल्यानंतर त्यावरून चर्चा सुरू असतानाच नुसरतच्या प्रेग्नंसीची बातमी आली. नुसरतच्या प्रेग्नंसीबाबत आपल्या काहीच माहिती नसल्याचे निखिल जैनने स्पष्ट केले. त्यानंतर नुसरतच्या होणा-या बाळाचे वडिल कोण यावरून उलटसुलट चर्चा होऊ लागली होती. निखिल जैनपासून विभक्त झाल्यानंतर स्वतंत्र रहात होती. या काळातच ती अभिनेता यश दासगुप्तासोबत रिलेशनमध्ये राहू लागली होती. त्यानंतर निखिल आणि तिच्यातील वाद खुलेआम झाला. त्याची चर्चा होत असतानाच नुसरत प्रेग्नंट असल्याचे समोर आले आणि तिने २६ ऑगस्ट रोजी खासगी रुग्णालयात मुलाला जन्म दिला. नुसरतला रुग्णालयात दाखल करण्यापासून ते त्यानंतर तिला आणि बाळाला घरी घेऊन जाईपर्यंत यश सावलीसारखा तिच्यासोबत होता. नुसरतला मुलगा झाल्याच्या वृत्तालाही यशनेच दुजोरा दिला होता. त्यामुळे नुसरतच्या मुलाचे वडिल यशच असल्याची शक्यता वर्तवली जाऊ लागली. सोशल मीडियावर यावरून उलटसुलट चर्चा होत असतानाच नुसरतने ती सिंगल पेरेंट असून तिच्या मुलाला ती एकटीच वाढवणार असल्याचे तिने जाहीर केले. इतकेच नाही तर मुलाचे तिने ईशान असे ठेवल्याचे सांगत त्याच्या वडिलांबद्दल तिला काहीही चर्चा करायची नसल्याचेही जाहीर केले. परंतु आता नुसरतच्या मुलाच्या जन्मदाखल्यावर वडील म्हणून यशदास गुप्ताचे नाव नमूद करण्यात आले आहे. नुसरतच्या मुलाचा जन्म दाखल्याची नोंदणीचे डिटेल्स सार्वजनिक झाले आहे. त्यानुसार बाळाचे संपूर्ण नाव ईशान दासगुप्ता असे लिहिण्यात आले आहे. कोलकाता नगर निगममध्ये झालेल्या नोंदीमध्ये वडिलांचे नाव देबाशिष दासगुप्ता असे लिहिण्यात आले आहे. हे याचे अधिकृत नाव आहे. त्यामुळे आता हे स्पष्ट झाले आहे की नुसरत जहाँच्या मुलाच्या वडिलांचे नाव यश दासगुप्ता आहे. आतापर्यंत नुसरतच्या मुलाच्या वडिलांच्या नावाबद्दल यश दासगुप्ता याच्याच नावाची चर्चाच होती. परंतु आता जन्म दाखल्यावरच यशचे नाव आले आहे. त्यामुळे नुसरत आणि यशच्या रिलेशनबरोबरच हे बाळ त्यांचेच आहे यावर शिक्कामोर्तब झाले आहे.

from Marathi Bollywood News, Marathi Cinema News https://ift.tt/3lApyno