मुंबई: प्रत्येक जोडप्यासाठी त्यांच्या आयुष्यातील प्रत्येक नवी गोष्ट खास असते. अभिनेता अभिजीत आणि सुखदा खांडकेकरच्या आयुष्यातही असा एक खास क्षण आलाय. हा आनंद त्यांनी सोशल मीडियावर त्यांच्या चाहत्यांबरोबर शेअर केला आहे. तर ही आनंदाची बातमी आहे त्यांच्या नव्या घराची. अभिजीत आणि सुखदानं नुकतच नवं घर घेतलंय. याच नव्या घराचा आनंद त्यांनी सोशल मीडियावर शेअर केलाय. अभिजीतनं लिहिलंय, 'आणि आम्ही 'हो' म्हणालो... आमच्या नवा पत्त्याला. प्रत्येक खोलीत हास्य असू देत आणि प्रत्येक खिडकी मोठ्या शक्यतेसाठी खुली असू दे.' या पोस्टमध्ये अभिजीतने सुखदाबरोबरचा एक फोटोही शेअर केलाय. त्याच्या या पोस्टवर अभिनंदनाचा वर्षाव होतोय. अभिजीत आणि एकमेकांचे खूप चांगले मित्र होते. त्यांनी १ फेब्रुवारी २०१३ साली लग्न केलं होतं. त्यांची जोडी मराठी सिनेसृष्टीतील लोकप्रिय जोडी आहे. सुखदादेखील अभिजीतप्रमाणे अभिनय क्षेत्रात काम करते. तिनं 'बाजीराव मस्तानी' चित्रपटातदेखील भूमिका साकारली होती. उत्तम अभिनेत्रीसोबतच ती एक उत्कृष्ट नृत्यांगनादेखील आहे. सुखदा आणि अभिजीत दोघेही नाशिकचे असून फेसबुकच्या माध्यमातून त्याची एकमेकांशी ओळख झाली. काही ओळखीच्या मित्रांमुळे त्यांची पहिली भेट झाली आणि पहिल्याच भेटीत ते एकमेकांना आवडू लागले. अभिजीतनें 'महाराष्ट्राचा सुपरस्टार' मधून अभिनयाची सुरुवात केली होती. 'माझिया प्रियाला प्रीत कळेना' मधून त्याला लोकप्रियता मिळाली.
from Marathi Bollywood News, Marathi Cinema News https://ift.tt/3CyNEp7