मुंबई : बॉलिवूडमधील अभिनेत्री ने २००७ मध्ये रिलीज झालेल्या 'वेलकम' मध्ये अक्षय कुमार, अनिल कपूर, नाना पाटेकर यांच्यासोबत काम केले होते. अलिकडेच मल्लिकाने दिलेल्या एका मुलाखतीमध्ये सिनेमाच्या सिक्वेल संदर्भात एक मोठा खुलासा केला आहे. २०१५ मध्ये 'वेलकम' सिनेमाचा जो सिक्वेल आला त्याच्या दिग्दर्शकाने मल्लिकाला कास्ट केले नाही. कारण या दिग्दर्शकाने त्याच्या गर्लफ्रेंडला त्यात काम दिल्याचा आरोप मल्लिकाने केला आहे. काय म्हणाली मल्लिका एका मुलाखतीमध्ये मल्लिकाला वेलकम सिनेमाबद्दल प्रश्न विचारण्यात आला. त्यावर मल्लिकाने उत्तर दिले की, 'वेलकम चा जर पुन्हा सिक्वेल आला तर त्याचा दिग्दर्शक त्याच्या गर्लफ्रेंडलाच काम देणार. कारण वेलकम २ जेव्हा आला तेव्हा देखील दिग्दर्शकाने मला घेण्याऐवजी त्याच्या गर्लफ्रेंडला सिनेमात काम दिले... त्याला मी काहीच करू शकत नाही.' बॉलिवूडमध्ये माझा बॉयफ्रेंड नाही मल्लिकाने या मुलाखतीमध्ये पुढे सांगितले की, 'जेव्हा सिनेमाचा सिक्वेल बनतो तेव्हा दिग्दर्सक त्याच्या गर्लफ्रेंडला घेतो तर हिरो त्याच्या गर्लफ्रेंडला घेतो. याला मी काय करू? बॉलिवूडमध्ये माझा कुणी बॉयफ्रेंड नाही. मी कधीही अभिनेता, निर्मात्यासोबत राहिले नाही. त्यानंतरही जर कुणाला असे वाटत असेल की मी प्रोजेक्टसाठी योग्य आहे तर मी त्यात सहभागी होण्यास तयार आहे. परंतु जर कुणी निर्माता, दिग्दर्शकाला त्याच्या गर्लफ्रेंडला घ्यायचे असेल तर तो त्यांचा प्रश्न आहे. मी काय करू शकते.' या वेबसीरिजमध्ये दिसली होती मल्लिका मल्लिका शेरावतने प्यार के साईड इफेक्ट्स, डरना जरूरी है आणि डबल धमाका या सिनेमांत काम केले आहे. तिने बू सबकी फटेगी ही वेब सीरिजही केली. त्याशिवाय तिने काही आंतरराष्ट्रीय सिनेमांतही काम केले आहे. त्यात जॅकी चेनसोबत द मिथ, विलियम डियरचा २०११ मध्ये आलेला पॉलिटिक्स ऑफ लव यांचा समावेश आहे. अलिकडेच तिने 'नकाब' या वेबसीरिजमध्ये तिने काम केले होते.
from Marathi Bollywood News, Marathi Cinema News https://ift.tt/3tOhpzk
