मुंबई : '' ही छोट्या पडद्यावरील सर्वात लोकप्रिय मालिका ठरली आहे. या मालिकेतील सर्वच पात्रांनी आपापल्या भूमिका चोख वठवल्या असून त्यांनी प्रेक्षकांच्या मनात स्वतःची जागा निर्माण केली आहे. मालिकेतील कलाकारांबरोबरच संवाद देखील उत्तम असल्याने प्रेक्षकांच्या मनाची त्यांनी पकड घेतली आहे. सध्या या मालिकेचे कथानक रंजक वळणावर येऊन ठेपले आहे. त्यानंतर या मालिकेत आणि अरुंधतीच्या आयुष्यात आणखी एका खास व्यक्तीचा लवकरच प्रवेश होणार आहे. सध्या आई कुठे काय करते या मालिकेत यशच्या शॉर्ट फिल्मला नॉमिनेशन मिळाल्यामुळे ते लंडनला निघाला आहे. तर दुसरीकडे अविनाशची पैशांची अडचण सोडवण्यासाठी अरुंधतीने अप्पांच्या मदतीने समृद्दीमधील तिचा हिस्सा तारण ठेवत पैसा उभा केला आणि अविनाशची अडचण दूर केली. सुरुवातीला याबाबत कुणालाच माहिती नव्हती. ते फक्त यश, आप्पा आणि अरुंधती यांनाच हे माहिती होते. परंतु यशने जेव्हा गौरीला हे सांगताना संजनाने ऐकले. त्यानंतर तिने याचा उपयोग करत देशमुखांच्या घरात याचा गौप्यस्फोट केला. त्यामुळे सर्वांच्या मनात अरुंधतीबद्दल अनेक प्रश्न निर्माण झाले आहेत. आता या सर्वांच्या प्रश्नाला अरुंधती कशी सामोरी जाणार, याची उत्सुकता सर्वांनाच लागली आहे. अरुंधतीने जो निर्णय घेतला आहे, तो कांचन, अनिरुद्ध यांना मान्य होईल का, या परिस्थितीचा संजना फायदा घेत तिचा स्वार्थ साधणार हे आगामी भागांत कळणार आहे. अरुंधती हे सर्व अविनाश भाऊजींसाठी करत असते. हे सर्व सत्य समोर आल्यावर नेमके काय होणार हे आगामी भागांमध्ये कळणार आहे. मालिकेत होणार खास व्यक्तीचा प्रवेश दरम्यान, अविनाशला मदत करण्याच्या नादात अरुंधती अडचणीत सापडलेली असताना मालिकेच्या कथनाकात आणखी एक उत्कंठावर्धक वळण येणार आहे. य मालिकेत अरुंधतीच्या एका मित्राची एंट्री होणार आहे. अरुंधतीच्या या मित्राची भूमिका कोण साकारणार आहे, याबाबत अद्याप काही खुलासा झालेला नाही. परंतु ही भूमिका साकारत असल्याची जोरदार चर्चा आहे. आता अरुंधतीच्या आयुष्यात येणारा हा नवीन मित्र वादळ घेऊन येतो की तिला आधार देतो हे मालिकेच्या आगामी भागांतून स्पष्ट होणार आहे. दरम्यान, अरुंधतीच्या आयुष्यात तिच्या मित्राची एंट्री होणार असल्याने अनिरुद्धची प्रतिक्रिया काय असेल हे पाहणे देखील उत्कंठावर्धक ठरणार आहे.
from Marathi Bollywood News, Marathi Cinema News https://ift.tt/3vswoQ1
