मुंबई- मराठमोळा अभिनेता याची नुकतीच '' मध्ये वाइल्ड कार्ड सदस्य म्हणून एण्ट्री झाली आहे. मागच्या आठवड्यात घरातील एक सदस्य अक्षय वाघमारे एलिमिनेट होऊन घराबाहेर गेला. परंतु, त्यानंतर आलेल्या आदिशने घरातल्यांची झोप उडवली आहे. घरात येताच आदिशला बिग बॉसकडून काही विशेष अधिकार देण्यात आले. पॉवरकार्डचा वापर करून आदिश घरातील सर्व कारभार स्वतःच्या हातात घेतो. घरातील सदस्यांना कामाचं वाटप करतो. परंतु, हे पॉवरकार्ड वापरण्यासाठी आदिशला घरातील तीन सदस्यांना सहा रात्री दरवाज्यावर पहारेकरी म्हणून उभं करायचं होतं. हे घरातील सदस्य कोण असतील हे ठरवण्याचा अधिकारही आदिशला देण्यात आला. आदिशने कोणत्या सदस्यांची निवड केली हे येत्या भागात कळेलच. परंतु, आदिशच्या या वागण्याने नाराज झालेली स्नेहा वाघ जेवणाच्या टेबलावर त्याला सुनावताना दिसतेय. मात्र आदिशही तिला उलट उत्तर देताना दिसतो. त्यानंतर आदिश आणि मध्ये वाद झालेला पाहायला मिळतोय. नुकत्याच प्रदर्शित झालेल्या प्रोमोनुसार, जय आणि आदिश एका टास्कदरम्यान एकमेकांसोबत भांडताना दिसत आहेत. भांडणादरम्यान आदिश जयला सुनावताना दिसतोय. आदिश जयला म्हणतो, 'मला फालतू ऍटिट्यूड द्यायचा नाही..आताच सांगतोय... बॉडीवगरै दुसऱ्यांना दाखवायची.' त्यानंतर जय त्याच्या अंगावर गेल्यावर आदिश बिग बॉसना म्हणतो, 'इतक्या जवळ यायचं नाही. मला चालणार नाही. बिग बॉस तुम्हाला सांगतोय पुन्हा हा जर जवळ आला तर मी जबाबदार नाही. रुल्स गेले उडत.' या प्रोमोवरून आदिश घरातील सगळ्याच सदस्यांवर भारी पडताना दिसतोय. आता पुढे काय होणार हे येत्या भागात कळेलच.
from Marathi Bollywood News, Marathi Cinema News https://ift.tt/3n20Gpl
