मुंबई- छोट्या पडद्यावर लोकप्रिय ठरलेली मालिका '' मधून प्रेक्षकांच्या भेटीला आलेली मनू म्हणजेच अभिनेत्री हिला पितृशोक झाल्याचं वृत्त आहे. तन्वीचे वडील प्रकाश मुंडले यांचं नुकतंच निधन झालं असून तिने सोशल मीडियावर एक पोस्ट करत याबद्दलची माहिती दिली आहे. तन्वीच्या वडिलांचं निधन कोणत्या कारणामुळे झालं याबद्दल फारशी माहिती मिळाली नसली तरी तिच्या पोस्टमधून तन्वीचे तिच्या बाबांसोबत असलेले घनिष्ठ संबंध दिसून येत आहेत. तन्वीने इन्स्टाग्रामवर पोस्ट शेअर करत लिहिलं, 'तू माझ्या आयुष्यातील सगळ्यात जवळचा मित्र आहेस आणि हे माझं भाग्य आहे की मी तुझी मुलगी आहे. खूप प्रेम आबु…जेव्हाही माझी वेळ येईल तेव्हा मी तुला नक्की भेटेन.' तन्वीच्या वडिलांबाबतची ही बातमी ऐकताच अनेक कलाकारांनी त्यांना श्रद्धांजली वाहिली आहे. तन्वीच्या जवळच्या व्यक्तींनाही याबद्दल माहित नसल्याचं यावरून दिसून येतंय. अनेक कलाकारांनी आश्चर्य व्यक्त करत तिला धीर दिला आहे. 'पाहिले न मी तुला' या मालिकेत काम करणाऱ्या अभिनेत्री वर्षा दांदळे यांनीही कमेंट करत तिला धीर दिला आहे. वर्षा यांनी लिहिलं, 'अरे बापरे. आता वाचलं.. काय झालं?.. तनु सांभाळ बाळा.. बाबांना भावपूर्ण श्रद्धांजली.' अनेक कलाकारांनी कमेंटद्वारे तन्वीला धीर देण्याचा प्रयत्न केला आहे. काही दिवसांपूर्वी वर्षा यांच्या गाडीलादेखील भीषण अपघात झाला होता. त्यात त्या गंभीर जखमी झाल्या होत्या. सध्या त्यांची प्रकृती स्थिर असली तरीही त्या अंथरुणाला खिळून आहेत.
from Marathi Bollywood News, Marathi Cinema News https://ift.tt/3nni4oC
