मुंबई : युविका चौधरीने काही महिन्यांपूर्वी तिच्या व्हिडिओमध्ये जातीवाचक शब्दाचा वापर केला होता. त्यामुळे तिला अटक करण्याची मागणी करण्यात आली होती. अर्थात याप्रकरणी युविकाने या शब्दाचा अर्थ माहिती नव्हता,असे सांगत माफीही मागितली होती. परंतु याचप्रकरणी सोमवारी युविकाला हरियाणा पोलिसांनी जातीवाचक उल्लेख केल्याप्रकरणी अटक केली आहे. दरम्यान,युविकाला अटक केल्यानंतर तिला अंतरीम जामिनावर सोडण्यातही आले आहे. युविका चौधरीची अंतरिम जामिनावर सुटका एनएनआयने दिलेल्या माहितीनुसार युविका चौधरीचे वकील अशोक बिश्नोई यांनी सांगितले की, 'माझी आशिल उच्च न्यायालयाने दिलेल्या सूचनेनुसार चौकशीमध्ये सहभागी झाली (सोशल मीडिया प्लॅटफॉर्मवर अनुसूचित जाती विरोधात केलेल्या कमेंटप्रकरणी) असून तिची अंतरिम जामिनावर सुटका करण्यात आली आहे. ' मे मध्ये दाखल झाली होती तक्रार मे २०२१ मध्ये युविका चौधरीने तिच्या व्हिडिओ ब्लॉगमध्ये जातीवाचक उल्लेख केला होता. त्याप्रकरणी तिच्याविरोधात एससी, एसटी अॅक्ट अंतर्गंत गुन्हा नोंदवण्यात आला आहे. दलितांच्या अधिकारासाठी काम करणा-या एका व्यक्तीने युविकाविरोधात तक्रार नोंदवली होती. युविकाने मागितली होती माफी ज्यावेळी ही घटना घडली तेव्हाच युविकाने याप्रकरणी ट्विटरवरून माफी मागितली होती. तिने लिहिले होते की, ' माझ्या व्हिडिओ ब्लॉगमध्ये जो शब्द मी वापरला होता, त्याचा अर्थ मला माहिती नव्हता. माझा कुणालाही दुखावण्याचा हेतू नव्हता. जर कुणी त्यामुळे दुखावले गेले असेल तर त्यांची मी माफी मागतो. मला अपेक्षा आहे की तुम्ही हे सर्व समजून घ्याल... मी तुम्हा सर्वांवर खूप प्रेम करते...' काय होते व्हिडिओमध्ये २५ मे रोजी युविकाने एक व्हिडिओ ब्लॉग शेअर केल होता. या व्हिडीओत युविकाचा पती प्रिन्स एका खुर्चीत बसलेला दिसतोय. तो हेअर स्टाईल करत असताना युविका हा व्हिडिओ शूट करत होती. समोर आरसा असल्याने युविका व्हिडिओ शूट करताना स्पष्ट दिसतेय. यावेळी ती नेहमी व्हिडिओ शूट करताना मला छान तयार होता येत नाही असे बोलतेय. 'नेहमी मी व्लॉग बनवते. तेव्हा मी का नेहमी **** सारखी येऊन उभी राहते. मला वेळच मिळत नाही की मी स्वत: ला व्यवस्थित दाखवू शकेन. मला खूप वाईट वाटते आहे आणि हा मला व्लॉगसाठी वेळ देत नाही...' असे ती यात म्हणतेय. या व्हिडिओच्या सुरुवातीलाच युविकाने जातिवाचक शब्दांचा उल्लेख केला होता. युविकाचा हा व्हिडिओ सोशल मीडियावर तुफान व्हायरल झाला असून यानंतर नेटकरी तिच्या अटकेची मागणी केली होती. अनेक नेटकऱ्यांनी ट्विट करत करा, असे सांगितले होते. त्यामुळे ट्विटरवर देखील #ArrestYuvikaChoudhary हा हॅशटॅग ट्रेंड होत होता. विशेष म्हणजे अनेक नेटकऱ्यांनी विविध मीम्स शेअर करत संताप व्यक्त केला होता.
from Marathi Bollywood News, Marathi Cinema News https://ift.tt/3jfKY8P
