मुंबई : बॉलिवूड महानायक अर्थात वयाच्या ८० व्या वर्षीही तरुणाला लाजवतील अशा उत्साहाने कार्यरत आहेत. आपल्या अभिनयाच्या क्षेत्रातील करिअरला सुरुवात करण्याआधी अमिताभ यांनी कोलकाता येथे त्यांचे महाविद्यालयीन शिक्षण पूर्ण केले. आपल्या आयुष्यातील अशा अनेक आठवणींना बिग बी '' या कार्यक्रमातून सातत्याने उजाळा देत असतात. च्या शानदार शुक्रवारच्या भागामध्ये अभिनेत्री सहभागी होणार आहे. क्रितीशी गप्पा मारताना अमिताभ यांनी त्यांच्या अभिनयाच्या आधीच्या दिवसांना उजाळा दिला. या आठवणींना उजाळा देताना अमिताभ बच्चन अतिशय नॉस्टालिजक झालेले दिसले. क्रितीबरोबरच्या भागाच्या चित्रीकरणावेळचा एक फोटो अमिताभ बच्चन यांनी त्यांच्या इन्स्टाग्राम अकाउंटवरून शेअर केला आहे. हा फोटो शेअर करत त्यांनी लिहिले की, 'लाल ड्रेस मधल्या क्रिती सेनॉनसोबत बॉलरूम डान्स केला.. आह… कॉलेज आणि कोलकतामधील जुन्या दिवसांची आठवण झाली.' या आठवणींमुळे अमिताभ नॉस्टालजिक झाले होते. अमिताभ यांनी महाविद्यालयीन शिक्षण आणि त्यानंतरची काही वर्षे म्हणजे १९६३ ते १९६८ ही वर्षे कोलकातामध्ये वास्तव्य केले होते. त्यामुळे कोलकाताशी त्यांचे जिव्हाळ्याचे संबंध आहेत. कोलकातामध्येच त्यांनी पहिली नोकरी केली आणि तिथेच त्यांना पहिला पगारही मिळाला होता. त्यामुळे कोलकाता शहराशी त्यांचे ऋणानुबंध जुने असल्याने त्यांच्या आयुष्यात या शहराचे महत्त्व अनन्यसाधारण असल्याचे ते अनेकदा सांगतात. ‘कौन बनेगा करोडपती’ या शोमध्ये दर शुक्रवारी विविध क्षेत्रातील नावाजलेल्या व्यक्ती आणि सेलिब्रिटी हजेरी लावत असतात.
from Marathi Bollywood News, Marathi Cinema News https://ift.tt/3aSPGoe
