मुंबई- '' मालिकेने फार कमी कालावधीत प्रेक्षकांची मनं जिंकली. सध्याच्या जगात लुप्त होत चाललेल्या एकत्र कुटुंब पद्धतीवर आधारलेल्या या मालिकेने प्रेक्षकांना भुरळ घातली आहे. मालिकेतील कलाकार आणि कथानक प्रेक्षकांना पसंत पडत आहे. त्यासोबतच सगळ्यांचा लाडका राणादा म्हणजेच मालिकेत मुख्य भूमिकेत आहे. परंतु, मालिकेत दाखवण्यात आलेल्या एका सीनची सध्या सोशल मीडियावर जोरादार चर्चा आहे. मालिकेत नुकताच गावात बिबटयाचा वावर दाखवण्यात आला आहे. शक्यतो मालिकेत चित्रित केले जाणारे सीन तंत्रज्ञानाच्या मदतीने चित्रित केले जातात पण मालिकेत दाखवण्यात आलेला बिबट्या खरा असल्याचं प्रेक्षकांचं म्हणणं आहे. गुळपोळी गावात बिबट्या शिरल्याचं मालिकेत दाखवण्यात आलं आहे. त्यासोबतच देशमुखांच्या घराच्या बाहेर बिबटयाचे ठसे आणि लॅपटॉपमध्ये बिबट्याचं फुटेज दाखवण्यात आलं. या फुटेजमध्ये दाखवण्यात आलेला बिबट्या खरा असल्याचं प्रेक्षकांनी ओळखलं आहे. आता हा खरा बिबट्या आहे की हुबेहुब बिबट्याची नक्कल केली गेली आहे असा प्रश्न प्रेक्षकांना पडला आहे. या मालिकेचं चित्रीकरण नाशिक येथे होत आहे. मालिकेचं चित्रीकरण सुरू होण्यापूर्वी काही दिवस सेटवर बिबट्याचा वावर होता असं तिथल्या लोकांचं म्हणणं आहे. त्यावेळेस सीसीटीव्ही कॅमेरामध्ये कैद झालेला खरा बिबट्या आता मालिकेत कथानकाच्या स्वरूपात दाखवण्यात येत आहे. खऱ्या बिबट्याच्या फुटेजचा वापर करून आता कथानक पुढे नेण्यात येणार आहे. गावात शिरलेला बिबट्या आदितीवर हल्ला करणार आणि सिद्धार्थ तिला या संकटातून वाचवणार असं मालिकेत दाखवण्यात येणार आहे. मालिकेत दाखवण्यात आलेला बिबट्या खरा दिसत असला तरी मालिकेच्या टीमकडून याबद्दल कोणताही खुलासा करण्यात आलेला नाही.
from Marathi Bollywood News, Marathi Cinema News https://ift.tt/3B37d7Z
