मुंबई : करवा चौथच्या दिवशी सर्व सुवासिनी चंद्र आणि आपल्या नव-याची आतुरतेने वाट बघत असतात. त्याला बच्चन घराण्याची सून ऐश्वर्या देखील अपवाद नव्हती. करवा चौथच्या दिवशी ऐश्वर्याला अभिषेक बच्चनने एक छान सप्राईज दिले आहे. त्याच्या या सप्राईजमुळे केवळ ऐश्वर्यालाच नाही तर संपूर्ण कुटुंबाला आश्चर्याचा मोठा धक्का बसला आहे. अभिषकेने दिलेल्या या सप्राईजची माहिती यांनी त्यांच्या ब्लॉगमध्ये दिली आहे. अभिषेक गेल्या काही दिवसांपासून दिल्लीमध्ये 'ब्रीद : इनटू द शॅडो' या वेबसीरिजच्या चित्रीकरण करत आहे. अमिताभ बच्चन यांनी त्यांच्या ब्लॉगमध्ये लिहिले आहे की, 'करवा चौथच्या दिवशी संपूर्ण कुटुंब एकत्र होते... या दिवशी पत्नी त्यांच्या पतीच्या दीर्घायुष्यासाठी प्रार्थना करतात. या दिवशी त्या उपवास करतात. दिवस आणि रात्री पूजापाठ करतात. छान नटतात, सजतात, छान साड्या-ड्रेस परिधान करतात... आणि चाळणीमधून चंद्र पाहण्यासाठी आतुर असतात.... चंद्राला पाहून त्याच्यावर पाणी शिंपडतात... आणि खांद्यावर दिवा ठेवून चंद्राच्या दिशेने भिरकावतात... त्यानंतर आपल्या नव-याच्या हातून पहिला घास खातात आणि दिवसभर ठेवलेला उपवास सोडतात...' . आपल्या ब्लॉगमध्ये अमिताभ यांनी पुढे लिहिले आहे की, 'यावेळी चंद्र अधिक तेजस्वी होता. बाल्कनीमधून चंद्र खूप मोठा दिसत होता. अनेकदा हा चंद्र ढगांच्या आड जात होता तर काही वेळाने तो बाहेर यायचा. परंतु आज चंद्र खूपच छान दिसत होता.' याच ब्लॉगमध्ये अमिताभ यांनी त्यांच्या मुलाने अभिषेकने दिलेल्या सप्राईजबद्दल नमूद केले आहे. याबद्दल त्यांनी लिहिले आहे की, अभिषेक दिल्लीमध्ये चित्रीकरण करत होता. परंतु आज संध्याकाळी कुणालाही काहीही न सांगता तो घरी आला. त्याच्या अचानक येण्यामुळे आम्ही सर्वजण हैराण आणि आश्चर्यचकीतही झालो. सर्वजण आनंदाने ओरडू लागले... कारण आम्हाला कुणालाच त्याच्या येण्याची अपेक्षा नव्हती. परंतु त्याच्या अचानक येण्यामुळे संपूर्ण कुटुंबात उत्साह संचारला होता...डायनिंग टेबलवर हसणे-खिदळणे सुरू झाले आणि ते विविध पदार्थांनी सजले...
from Marathi Bollywood News, Marathi Cinema News https://ift.tt/3EhWMiQ
