मुंबई: सध्या सर्वत्र नवरात्रोत्सवाचा माहोल आहे. मराठी मनोरंजनविश्वातील कलाकारही अत्यंत हट के अंदाजात हा उत्सव साजरा करताना सोशल मीडियावर दिसत आहेत. काही कलाकारांनी नऊ दिवस देवीची नऊ रूपं धारण करुन केलेलं फोटोशूट पोस्ट केलंय, काहींनी गरबा नृत्याचा व्हिडीओ सोशल मीडियावर शेअर केला आहे; तर काही जण विविध रंगांच्या साड्या परिधान करुन; ते फोटो सोशल मीडियावर शेअर करत आहेत. यातच अभिनेत्री विशाखा सुभेदारचा नृत्याचा एक व्हिडीओ कमालीचा व्हायरल झाला आहे. या व्हिडीओमध्ये तिनं जोगवा हा नृत्यप्रकार सादर केला आहे. विशाखाच्या सोबतीला नृत्यदिग्दर्शिका लतिकाही आहे. दोघींनी सादर केलेल्या या नृत्याविष्काराची सोशल मीडियावर जोरदार चर्चा आहे. '' या कार्यक्रमातून विशाखा प्रेक्षकांच्या भेटीला येत असते. तसंच त्या कार्यक्रमातील काही स्किट्समध्ये ती तिची नृत्याची कला सादर करत असते. त्या सादरीकरणाला चांगली प्रेक्षकपसंती मिळते. तशीच पसंती तिच्या जोगवा हा नृत्यप्रकार सादर केलेल्या व्हिडीओलाही मिळाली आहे. अनेक जण तिच्या नृत्यकौशल्याचं भरभरून कौतुक करत आहेत.
from Marathi Bollywood News, Marathi Cinema News https://ift.tt/3Dx2qxs
