मुंबई- ड्रग्ज प्रकरणात मुलाची जामीन याचिका फेटाळल्यानंतर आर्यन खानला भेटण्यासाठी मुंबईच्या आर्थर रोड जेलमध्ये पोहोचला आहे. मुलाला भेटण्यासाठी शाहरुख तुरुंगात जाण्याची ही पहिलीच वेळ आहे. आर्यनसोबत शाहरुखची ही भेट सुमारे १९ मिनिटे चालली. मुंबई क्रूज ड्रग्ज प्रकरणात शाहरुख खानचा मुलगा आर्यन खानचा जामीन अर्ज सत्र न्यायालयाने फेटाळला आहे. मुलाची विचारपूस करण्यासाठी सकाळी- सकाळी तुरुंगात पोहोचला शाहरुख गेल्या अनेक दिवसांपासून शाहरुख आपल्या मुलाच्या काळजीत आहे. जवळजवळ २१ दिवसांपासून आपल्या मुलापासून दूर असलेल्या शाहरुखने अखेर आपला संयमाचा बांध तोडला आणि आज तो मुलाला भेटायला तुरुंगात गेला. शाहरुख खान आज गुरुवारी सकाळी मुलगा आर्यनची स्थिती जाणून घेण्यासाठी आर्थर रोड जेलमध्ये पोहोचला. शाहरुखने कारागृहात सुमारे १९ मिनिटे घालवली आणि त्यानंतर तो तेथून निघून गेला. याआधी शाहरुखचे आर्यनशी फोनवर बोलले झाले होते. याशिवाय त्याला दोघं १० मिनिटं व्हिडिओ कॉलवरही बोलली होती. आपल्या मुलाची स्थिती जाणून घेण्यासाठी शाहरुख स्वतः जेलमध्ये पोहोचण्याची ही पहिलीच वेळ आहे. २० ऑक्टोबर रोजी ड्रग्ज प्रकरणात सत्र न्यायालयाच्या सुनावणी दरम्यान आर्यनला जामीन मिळेल अशी सर्वांची अपेक्षा होती, पण तसे झाले नाही. शाहरुख खानला कोणताही विशेष पाहूणचार दिला नाही शाहरुख खान जेव्हा तुरुंगात आला, तेव्हा त्याची एन्ट्री त्याच प्रकारे केली गेली, जसे कैद्यांना भेटण्यासाठी आलेल्या कुटुंबातील बाकीच्या सदस्यांची केली जाते. कोणत्याही सामान्य आरोपीच्या नातेवाईकांप्रमाणे, शाहरुखही आरोपीला भेटला आणि त्याला कोणतीही विशेष वागणूक दिली गेली नाही. शाहरुख खानचे आधार कार्ड आणि इतर कागदपत्रे पाहिली गेली आणि त्यानंतरच त्याला टोकन देऊन आत पाठवण्यात आले. आर्यन आणि शाहरुख यांची झाली १५ ते २० मिनिटांची भेट आर्यन आणि शाहरुखमध्ये १५ ते २० मिनिटांची भेट झाली. या संभाषणादरम्यान दोघांमध्ये काचेचे कुंपण होते आणि दोन्ही बाजूला इंटरकॉम होते. त्यांच्यातील संभाषणादरम्यान चार गार्ड देखील उपस्थित होते. भेटण्याची वेळ संपल्यानंतर शाहरुख स्वतः बाहेर गेला. तुरुंगाबाहेर प्रचंड गर्दी शाहरुख खानचा एक व्हिडिओ समोर आला आहे, ज्यामध्ये तुरुंगाबाहेर मीडियाची गर्दीही दिसत आहे. अहवालानुसार, तुरुंगातील सूत्रांनी सांगितले की, त्याचा जामीन रद्द झाल्याची बातमी ऐकून खूप अस्वस्थ होता. असे सांगितले जाते की या बातमीने दुःखी होऊन आर्यन बॅरेक्सच्या एका कोपऱ्यात शांतपणे बसला होता आणि तो कोणाशीही बोलत नव्हता. आर्यन सामान्य बॅरेकमध्ये राहत आहे आर्यन खानला एनसीबीच्या चौकशीनंतर १४ दिवसांसाठी न्यायालयीन कोठडीत पाठवण्यात आले. आर्यनला मुंबईच्या आर्थर रोड कारागृहात ठेवण्यात आले आहे. मात्र करोनाच्या नियमांनूसार तिथे त्याला पहिले पाच दिवस अलग ठेवण्यात आले होते. यावेळी क्रूझमधून अटक केलेल्या इतर साथीदारांसह त्याला वेगळे ठेवण्यात आले होते. अलगीकरण संपल्यानंतर आणि कोविड अहवाल आल्यानंतर आर्यन खानसह इतर कैद्यांना सामान्य बॅरेकमध्ये पाठवण्यात आले. ...म्हणून मिळाला नाही जामिन आर्यन खानला जामीन न देण्यामागील कारणांमध्ये पुराव्यांशी छेडछाड केल्याचा मुद्दा समाविष्ट आहे. त्याच्या व्हॉट्सअॅप चॅट्सचा उल्लेख न्यायालयाच्या आदेशाच्या प्रतीमध्ये करण्यात आला आहे, ज्यामध्ये आर्यन नियमितपणे ड्रग्स घेतो असे म्हटले आहे. न्यायालयाने आपल्या आदेशात असेही म्हटले आहे की, जामिनावर सुटल्यानंतर आर्यन ड्रग्ज घेणार नाही असे म्हणता येणार नाही. येथे असेही नमूद केले गेले की आर्यनकडून त्यांना कोणतेही अमली पदार्थ मिळाले नसले तरी त्याला माहीत होते की त्याच्या साथीदाराकडे अमली पदार्थ आहेत. मुंबई उच्च न्यायालयात जामीन याचिका आर्यनच्या वकिलांनी ड्रग्ज प्रकरणात सत्र न्यायालयाकडून आदेशाची प्रत मिळताच जामीन याचिका फेटाळण्याविरोधात मुंबई उच्च न्यायालयात अपील दाखल केले आहे. उच्च न्यायालयातील न्यायमूर्ती नितीन सांबरे यांच्या खंडपीठासमोर हे प्रकरण गुरुवारी सुनावणीसाठी ठेवण्यात येणार असल्याचे सांगितले जाते.
from Marathi Bollywood News, Marathi Cinema News https://ift.tt/3C3xXXp
