मुंबई- लोकप्रिय बॉलिवूड अभिनेत्री सोशल मीडियावर प्रचंड सक्रिय असते. ती तिचे निरनिराळे फोटो चाहत्यांसोबत शेअर करत असते. नुकतीच जान्हवी तिच्या मैत्रिणींसोबत फिरायला गेली होती. त्याठिकाणचे अनेक फोटो जान्हवीने चाहत्यांसोबत शेअर केले आहेत. कुठे ती मंदिराच्या समोर दिसतेय तर कुठे स्विमिंग पूलमध्ये पोहताना दिसतेय. पण जान्हवीने शेअर केलेल्या एका व्हिडिओची सोशल मीडियावर चर्चा सुरू आहे. या व्हिडिओत जान्हवी यांनी लिहिलेल्या काही शब्दांचा टॅटू गोंदवताना दिसतेय. हा व्हिडीओ पाहून चाहतेही श्रीदेवी यांच्या आठवणीत भावुक झाले आहेत. श्रीदेवी यांचं दोन वर्षांपूर्वी निधन झालं. परंतु, जान्हवी त्यांची लाडाची लेक होती. आपल्या दोन्ही मुलींपैकी जान्हवीवर श्रीदेवींचा जास्त जीव होता. त्यामुळे श्रीदेवी यांनी जान्हवीसाठी एक चिठ्ठी देखील लिहिली होती. परंतु, त्यानंतर श्रीदेवी यांचा मृत्यू झाला. या चिठ्ठीत श्रीदेवी यांनी लिहिलेलं, 'आय लव्ह यू माय लब्बू. तू या जगातली सगळ्यात चांगली मुलगी आहेत.' श्रीदेवी जान्हवीला लाडाने लब्बू म्हणून हाक मारत आणि आईने लिहिलेले हे शब्द आता जान्हवीने तिच्या हातावर गोंदवून घेतले आहेत. हातावर गोंदवलेल्या टॅटूचा फोटोदेखील जान्हवीने शेअर केला आहे. व्हिडिओत जान्हवी टॅटू काढताना दिसतेय. हातावर दुखत असल्याने ती सतत गोविंदा, गोविंदा म्हणत आहे. जान्हवीच्या या टॅटूचं नेटकऱ्यांनी कौतुक केलं आहे. आईच्या आठवणीत जान्हवीने काढलेला हा टॅटू नेटकऱ्यांना पसंत पडला आहे. हा टॅटू पाहून नेटकरीही श्रीदेवींच्या आठवणीत भावुक झाले आहेत.
from Marathi Bollywood News, Marathi Cinema News https://ift.tt/2Ys5IDf
