मुंबई : छोट्या पडद्यावरील '' ही मालिका चांगलीच लोकप्रिय झाली आहे. सध्या या मालिकेत कर्जबाजारी झालेल्या अविनाशला वाचवण्यासाठी अरुंधती आप्पांच्या संमतीने 'समृद्धी' बंगला गहाण ठेवते आणि २५ लाख रुपये उभे करते. हे पैसे ती अविनाशला वाचवण्यासाठी देते. परंतु हे जेव्हा अनिरुद्ध आणि संजनाला समजते तेव्हा सर्वांच्या नजरेत अरुंधती चुकीचे ठरते. अनिरुद्धबरोबरच त्याची आई, अभिषेक देखील अरुंधतीला चुकीचे ठरवतात आणि तिला बोल लावतात. चांगल्या हेतूने गोष्ट केल्यानंतरही आपल्यालाच बोल लावले जात असल्याने अरुंधती खूपच दुःखी, कष्टी होते. परंतु त्यातून तिला गौरी, आप्पा,अनघा, केदार,विशाखा सर्वजण धीर देतात आणि यातून काही तरी मार्ग काढू असे सांगतात. अरुंधतीच्या हातून भावनेच्या भरात जी चूक घडली त्याचे भांडवल संजना करत आहे. त्यामुळेच तिने अनिरुद्धचे तिच्याविरोधात कान फुंकत त्याच्या मनात समृद्धी बंगला विकून टाक असा धोषा लावला आहे. त्यामुळे आता अनिरुद्ध देखील त्याचा हिस्सा विकण्याच्या गोष्टी करू लागला आहे. 'आई कुठे काय करते' या मालिकेचा एक प्रोमो निर्मात्यांनी सोशल मीडियावर शेअर केला आहे. या प्रोमोमध्ये संजना आई आणि आप्पांना अरुंधतीने केलेल्या चुकीचा पुन्हा एकदा जाब विचारताना दिसत आहे. ती म्हणते आहे की, 'जर अविनाशने पैसेच दिले नाही... आणि तो पैसे घेऊन पळून गेला तर काय होईल. उद्या तुम्ही आणि अरुंधती रस्त्यावर याल...' संजनाचे चढ्या आवाजातील बोलणे अरुंधती ऐकते आणि तिला म्हणते, 'संजना अजूनही हे घर हातातून गेलेले नाही.... त्यामुळे तू अशा शब्दांत कुणाशीही बोलू नकोस' त्या दोघींचे हे बोलणे चालू असताना अनिरुद्ध तिथे येतो आणि अरुंधतीवरती जोरात ओरडतो. त्याचे हे ओरडणे ऐकून अरुंधती त्याला चांगलेच फैलावर घेते. अरुंधती त्याला म्हणते, 'अनिरुद्ध आवाज खाली....माझ्यावर ओरडायला आता मी तुमची बायको नाहीये....' आता या पुढे समृद्धी बंगला वाचवण्यासाठी अरुंधती काय प्रयत्न करते, त्यात ती यशस्वी होते का या प्रश्नांची उत्तरे 'आई कुठे काय करते' मालिकेच्या आगामी भागांतूनच प्रेक्षकांना मिळणार आहेत.
from Marathi Bollywood News, Marathi Cinema News https://ift.tt/3bcwqT6
