मुंबई- दिवंगत अभिनेत्री श्रीदेवी आणि बोनी कपूर यांची मुलगी असलेली बॉलिवूड अभिनेत्री हिने नुकतंच एक आलिशान घर खरेदी केलं आहे. या घरात सर्व सुखसुविधा असून घर एखाद्या राजवाड्याप्रमाणे सुंदर आहे. जान्हवीची बहीण ख़ुशी कपूर हिचा वाढदिवसदेखील याचं घरात साजरा करण्यात आला. वाढदिवसादरम्यान घर खूप सुंदर पद्धतीने सजवण्यात आलं होतं. आता जान्हवीच्या नव्या घराचे फोटो सोशल मीडियावर वायरल होत आहेत. जान्हवीने मुंबईतील जुहू परिसरात एका बंगल्याची खरेदी केली आहे. सध्या या घराचं बांधकाम सुरू असून सोबतच इंटेरिअरचं काम देखील सुरू आहे. जान्हवीने नवं घर घेतलं असलं तरीही ती या घरात राहायला येणार नसल्याचं तिने म्हटलं आहे. जान्हवी तिच्या वडील आणि बहिणीसोबत त्यांच्या जुन्या घरातच राहणार आहे. जान्हवीच्या संपूर्ण घराचे फोटो अजून समोर आले नसले तरी या आलिशान घराच्या टेरेसची झलक चाहत्यांना पाहायला मिळाली आहे. घराच्या टेरेसवर एक छोटासा डायनिंग एरिया आहे. सोबतच मोठासा स्विमिंग पूल आणि समारंभासाठी बरीच मोकळी जागा आहे. एका वेबसाइटने हे फोटो सोशल मीडियावर शेअर केले आहेत. यात शेवटी संपूर्ण टेरेसचा एक व्हिडीओ आहे. जान्हवीच्या बंगल्याच्या टेरेसवर उभं राहून मुंबईचं खूप सुंदर आणि नयनरम्य असं दृश्य पाहता येऊ शकतं. हे फोटो पाहून नेटकऱ्यांनी जान्हवीचं कौतुक केलं आहे. इतकं सुंदर घर घेतल्याबद्दल चाहत्यांनी तिचं अभिनंदन केलं आहे. तर दुसरीकडे जान्हवीला तिच्या पुढील वाटचालीसाठी शुभेच्छा दिल्या आहेत. जान्हवीचं हे घर चाहत्यांना प्रचंड आवडलं आहे.
from Marathi Bollywood News, Marathi Cinema News https://ift.tt/30467wl
