मुंबई- '' सोशल मीडियावर प्रचंड चर्चेत आहे. या आठवड्यात भरलेल्या बिग बॉसच्या चावडीवर महेश मांजरेकर यांनी अनेकांना त्यांच्या वागण्याबद्दल खडे बोल सुनावले. विशाल निकम आणि सोनाली पाटील यांच्यातील वाददेखील बराच रंगला. तर मीरा जगन्नाथने विकास पाटीलवर लावलेला आरोप मांजरेकरांनी खोटा असल्याचं सांगत धुडकावून लावला. सोबतच 'अंतिम: द फायनल ट्रुथ' या चित्रपटाच्या प्रमोशनसाठी खुद्द सलमान खान याने 'बिग बॉस मराठी ३' च्या मंचावर हजेरी लावली. मनोरंजनाने भरलेल्या या आठवड्यात सगळ्यांचं लक्ष एकाच गोष्टीवर होतं ते म्हणजे एलिमिनेशन. या आठवड्यात नक्की कोण घराबाहेर जाणार याकडे प्रेक्षकांचं लक्ष लागलेलं होतं. या आठवड्यात घराबाहेर जाण्याच्या प्रक्रियेसाठी सोनाली, मीरा, विकास सोबत आणि मीनल शाह नॉमिनेटेड होते. या स्पर्धकांपैकी आणि मीरा यांना सगळ्यात कमी वोट मिळाल्याने ते दोघेही डेंजर झोनमध्ये होते. मात्र या आठवड्यात दादूस म्हणजेच संतोष घराबाहेर झाले आहेत. दादूस यांचा बिग बॉसच्या घरातील प्रवास इथेच संपला आहे. दादूस यांच्या घरातील खेळाचं प्रेक्षकांकडून प्रचंड कौतुक करण्यात आलं होतं. पहिल्याचं आठवड्यात दादूस यांनी दाखवलेल्या खेळाने प्रेक्षक चकित झाले होते. त्यांची इच्छाशक्ती आणि एनर्जी पाहून नेटकऱ्यांनी त्यांचं कौतुक केलं होतं. मात्र टीम ए माहे गेल्यापासून दादूस दिसेनासे झाले होते. दादूस आता फक्त टीमचं ऐकतात असं मांजरेकर यांनीही त्यांना अनेकदा सुनावलं होतं. त्यामुळेच कदाचित दादूस यांच्या वोटींगमध्ये फरक पडला. मागील आठवड्यात स्नेहा वाघ घराबाहेर झाली होती. आता दादूसही घराबाहेर झाले आहेत. आता घरात केवळ आठ सदस्य उरले आहेत. त्यातील पाच अंतिम फेरीत जाणार आहेत.
from Marathi Bollywood News, Marathi Cinema News https://ift.tt/3nYF12Q