मुंबई : अभिनेता रणबीर कपूर हा सध्या बॉलिवूड मधील चर्चेत असलेल्याअभिनेत्यांपैकी एक आहे. तो तरुणांमध्ये मोठ्या प्रमाणात लोकप्रिय आहे. एका पुस्तक प्रकाशन सोहळ्यादरम्यानचा एक व्हिडिओ सध्या सोशल मीडियावर व्हायरल झाला आहे. या व्हिडिओत रणबीरनं प्रसिद्ध दिग्दर्शक आणि निर्माते संजयलीला भन्साळी यांच्याबद्दल वक्तव्य केलं आहे. दरम्यान, पुस्तक प्रकाशाचा हा कार्यक्रम राज कपूर यांच्या आयुष्यावर आधारीत असलेल्या ‘राज कपूर : द मास्टर अॅटवर्क’ या पुस्तकाचा होता. या कार्यक्रमात त्यानं सध्याची सिनेसृष्टी आणि कार्यबद्धती यावर भाष्य केलं. ' सध्या माझ्या पिढीचे दिग्दर्शक व्यावसायिक चित्रपट निर्मितीच्या विचारानंच काम करत आहेत. परंतु मी जेव्हा संजयलीला भन्साळी यांना असिस्ट करत होतो तेव्हा अशा स्वरूपाचं काम करता येत नसे.सुरुवातीला त्यांच्या प्रोडक्शन हाऊस मध्ये मी काम करत असताना माझ्या सोबत ते कधीच स्टारकिड्स आहेत या विचारानं वागले नाहीत.एका असिस्टंटसोबत ज्या पद्धतीनं वागलं पाहिजे त्याच पद्धतीनं ते माझ्या सोबत वागले असं रणबीरनं सांगितलं. पुढं रणबीर म्हणाला की, सुरुवातीला संजय लीला भन्साळी आम्हाला तासनतास गुडघ्यावर बसायला लावायचे,बोलायचे अनेकदा त्यांच्या शिव्या देखील खाल्ल्या. त्यांनी या इंडस्ट्रीत काम करण्यासाठी खऱ्याअर्थानं आम्हाला तयार केलं. पण आता हे सर्व बदं झालंय. निर्माते केवळ व्यावसायिक पैलूंवर लक्ष देतायत', असं रणबीर म्हणाला. दरम्यान, रणबीरनं संजय लीला भन्साळी यांच्या ‘सांवरिया’ या चित्रपटातून बॉलिवूडमध्ये पदार्पण केलं . त्यानंतर त्यानं अनेक हिट चित्रपट दिले. बॉलिवूडचा रॉकस्टार म्हणून त्याच्याकडं पाहिलं जात.
from Marathi Bollywood News, Marathi Cinema News https://ift.tt/3F9QAub
