मुंबई: कार्यक्रमाचा आज ग्रँड फिनाले आहे. बिग बॉस मराठी ३ कार्यक्रमाचा विजेता कोण असेल, याची उत्सुकता संपूर्ण महाराष्ट्रातील प्रेक्षकांना लागली आहे. या कार्यक्रमातील सर्वात स्ट्राँग स्पर्धक म्हणून हिचे नाव अग्रक्रमाने घेतले जाते. परंतु काही दिवसांपूर्वी मीराला घराबाहेर जावे लागले आहे. घराबाहेर आल्यानंतर मीराने कार्यक्रमाचे सूत्रसंचालक यांच्याशी बोलताना विशाल निकम याच्याबद्दल मोठे वक्तव्य केले होते... काय म्हणाली मीरा बिग बॉस मराठी ३ च्या घरातून मीरा जग्गनाथ बाहेर पडली. त्यानंतर महेश मांजरेकर यांनी मीराला घरातून बाहेर पडल्याबद्दल नेमके काय वाटते, हे विचारले. त्यावर मीराने सांगितले की ,' घरातून बाहेर आल्यामुळे मला खूप वाईट वाटत आहे. मला हा खेळ शेवटपर्यंत खेळायचा होता. मी फायनलपर्यंत जाईन, अशी माझी खात्री होती. परंतु फायनलपर्यंत मी जाऊ शकले नाही , याबद्दल वाईट वाटते आहे.' त्यानंतर महेश यांनी तिला विचारले की,'मीरा एका प्रश्नाचे अगदी खरे उत्तर दे. तुझ्यामते या कार्यक्रमातील विजेतेपदाचा सर्वात मोठा दावेदार असणार स्पर्धक कोण आहे?' महेश यांच्या या प्रश्नावर मीराने उत्तर दिले की, 'माझ्या मते विशाल निकम याला हे विजेतेपद मिळेल. त्याच्याकडे असे काही गुण आहेत, की त्यामुळे तो या कार्यक्रमाचे विजेतेपद मिळवू शकतो असे मला वाटते. टास्क खेळताना त्याने कधीही अपशब्द वापरले नाहीत अथवा कधीही आक्षेपार्ह कृती केली नाही. त्याचा खेळ हा कायमच इतरांपेक्षा वेगळा होता. त्यामुळेच तो या खेळात सर्वांपेक्षा वेगळा आणि उठून दिसला. त्यामुळेच तोच विजेता म्हणून योग्य आहे, असे मला वाटते.' दरम्यान, बिग बॉस मराठी ३ कार्यक्रमाच्या सुरुवाती पासूनच मीरा आणि विशाल हे कायम वेगवेगळ्या टीममध्ये होते. टास्कवेळी त्यांच्या अनेकदा वादही झाले होते. हे वाद अनेकदा पराकोटीलाही गेले होते. त्यातूनच ते एकमेकांसाठी अदृश असे होते..
from Marathi Bollywood News, Marathi Cinema News https://ift.tt/3Jgd1jP