मुंबई : मध्ये विकेंड का वार मजेशीर असतो. कारण या दिवशी कार्यक्रमाचा सूत्रसंचालक सलमान खान एकीकडे स्पर्धकांची चांगलीच कानउघडणी करत असतो. त्याचवेळी तो कार्यक्रमात आलेल्या पाहुण्यांशी मौज, मजा, धम्माल करत असतो. येणारे पाहुणे देखील हा कार्यक्रम खूप एन्जॉय करत असतात. या रविवारी प्रसारित होणा-या विकेंड का वारमध्ये गोविंदा पाहुणा म्हणून येणार आहे. गोविंदा आणि सलमान खान स्पर्धकांसोबत या भागामध्ये धम्माल करताना दिसणार आहेत. सलमान गोविंदाच्या इशा-यांवर तेजस्वी कार्यक्रमाच्या या भागाचा प्रोमो प्रसारित झाला आहे. त्यामध्ये सलमान आणि गोविंदा घरातील एक एक सदस्यांना त्यांच्या तालावर नाचवताना दिसत आहेत. सलमान आणि गोविंदा एक सिक्रेट टास्क तेजस्वीला देतात. सलमान आणि गोविंदा तेजस्वीला जे जे करायला सांगतात ते ते ती करते. तेजस्वीची हे असे वागणे पाहून घरातील सर्व सदस्य आश्चर्यचकीत होतात. सलमान तेजस्वीला सांगतो की, 'तू सर्वांना सांग की तुला गॅसेसचा त्रास होत आहे.' त्याप्रमाणे तेजस्वी घरातील सदस्यांना तसे सांगते. तेव्हा हे ऐकल्यावर सर्व सदस्य हसत हसत तिच्यापासून लांब पळून जातात. तेजस्वीचे हे वक्तव्य ऐकून उमरला बसतो शॉक त्यानंतर सलमानच्या सांगण्यावरून तेजस्वी उमरल सांगते की, 'मी प्रेग्नंट असून आई होणार आहे...' हे ऐकल्यानंतर उमरला मोठा धक्का बसतो. त्यानंतर तेजस्वी पुढे सांगते की, ' गॅसमुळे कुणी कसे प्रेग्नंट राहू शकते?' तेजस्वीची हे बोलणे ऐकून उमर आणखीनच गोंधळतो आणि हसू लागतो. तो म्हणतो,'अरे हिला झाले काय...' तर दुसरीकडे तेजस्वी सलमान आणि गोविंदाच्या तालावर ज्या पद्धतीने वागत होती, ते पाहून या दोघांना खूपच मजा वाटत होती. कार्यक्रमाचा हा प्रोमो पाहून रविवारी प्रसारित होणारा भाग मनोरंजक असेल हे नक्की.
from Marathi Bollywood News, Marathi Cinema News https://ift.tt/3FfjHMS
