मुंबई: दोन वर्षांच्या प्रदीर्घ काळानंतर आता प्रेक्षकांसाठी सिनेमागृहं सुरू झालीत. हळूहळू मराठी सिनेमे मोठ्या पडद्यावर परतत आहेत. यातच ‘’ हा प्रयोगशील सिनेमा लवकरच प्रेक्षकांच्या भेटीस येतोय. आदित्य सरपोतदार दिग्दर्शित या सिनेमाचं एक गाणं नुकतंच प्रदर्शित झालं असून अवघ्या मराठी सिनेविश्वानं त्याला डोक्यावर घेतलंय. अफलातून एनर्जीचा स्फोट असलेला अभिनेता या गाण्यात सिनेमातील कलाकारांसोबत दिसतोय. सिद्धार्थच्या या ‘’ लुकने सर्वांच्याच भुवया उंचावल्या आहेत. ‘’ असे या गाण्याचे बोल असून ते प्रशांत मदपूवर याने लिहिलं आणि रोहन रोहन यांनी संगीतबद्ध केलंय. तर, स्वतः रोहन प्रधान याने ते गायलं आहे. अमेय, वैदेही आणि ललित सोबत सिद्धार्थ जाधव गाण्यात डान्स करताना दिसतोय. या गाण्यात सिद्धार्थला नाचवणारा दिग्दर्शक आदित्य सरपोतदार सांगतो, ‘सिद्धार्थ माझ्या गेल्या तिन्ही चित्रपटांत दिसलाय. तो नेहमीच माझ्यासोबत कलाकृतीत एक लकी चार्म असल्यासारखा असतो. या चित्रपटातील हे गाणं त्याच्यासाठी खास लिहिल्यासारखं वाटतं, कारण त्याची ती सकारात्मकता आणि अफाट ऊर्जा. त्याच्या असण्यातच सकारात्मक ऊर्जा सामावलेली आहे. हे गाणं चित्रपटात महत्त्वाचं आहे आणि त्यासाठी सिद्धार्थला मी विचारल्यावर त्याचा लगेच होकार येणंही तितकंच महत्त्वाचं होतं. त्याने साकारलेला झोंबी डान्सर हा खरंच स्पेशल आहे.’ या गाण्याचं नृत्य दिग्दर्शन रंजू वर्गिस यांनी केलं आहे.
from Marathi Bollywood News, Marathi Cinema News https://ift.tt/3DWHoI9
