मुंबई- बॉलिवूड अभिनेता जॉन अब्राहमचा बाहुचर्चित आणि प्रतिक्षित अॅक्शन ड्रामा 'अटॅक भाग १'चं नुकतंच नवीन पोस्टर समोर आलं आहे. याच सोबत हा चित्रपट कधी रिलीज होणार आहे याची तारीख देखील जाहीर करण्यात आली आहे. अटॅक चित्रपटात जॉन अब्राहमसोबत आणि रकुल प्रीत या दोघीही महत्त्वाची भूमिका साकारणार आहेत. जॉन अब्राहमने शुक्रवारी 'अटॅक' चित्रपटाच्या पहिल्या भागाची रिलीज डेट जाहीर केली आहे. जॉनने त्याच्या ट्विटरद्वारे त्याच्या चाहत्यांना हा चित्रपट १ एप्रिल २०२२ रोजी रिलीज होणार असल्याचं सांगितलं आहे. 'अटॅक'बद्दल नवीन माहिती देताना निर्मात्यांनी एक नवीन पोस्टर शेअर केलं. या चित्रपटात जॉन अब्राहम सुपर सोल्जरच्या भूमिकेत दिसणार आहे. याचं दिग्दर्शन लक्ष्य राज आनंद यांनी केल आहे. 'अटॅक'च्या नवीन पोस्टरबद्दल सांगायचं तर, जॉन अब्राहम यावर आहे आणि तो बाइकवर फुल अॅक्शन मूडमध्ये दिसत आहे. या पोस्टरवर प्रतिक्रिया देत चाहत्यांनी जॉन अब्राहमच्या हटके लूकचं कौतुक केलं आहे. तसंच ते या चित्रपटाची आतुरतेने वाट पाहत आहेत, असंही सांगताना दिसले. एका युजरने सांगितलं की, हा चित्रपट चांगल्या संकल्पनेवर आहे. ट्विटरवर जॉन अब्राहम आणि 'अटॅक' हॅशटॅगही ट्रेंडमध्ये पाहायला मिळाले. 'अटॅक'ची खास गोष्ट म्हणजे जॉन स्वत: या चित्रपटाचा सहनिर्माता आहे. दरम्यान 'अटॅक' चित्रपटाची पहिली झलक म्हणजेच ट्रेलर येत्या तीन दिवसांत प्रदर्शित होणार असल्याची माहिती समोर येत आहे. अलिकडेच जॉन अब्राहम आणि शाहरुख खानच्या 'पठाण' चित्रपटाची रिलीज डेट जाहीर करण्यात आली. 'पठाण'मध्ये दीपिका पदुकोणही महत्त्वाची भूमिका साकारताना दिसेल. यात जॉन खलनायकाची भूमिका साकारणार आहे. 'पठाण' चित्रपट २५ जानेवारी २०२३ रोजी प्रदर्शित होणार आहे. जॉन अब्राहमचे चाहते त्याचे दोन्ही चित्रपट पाहण्यासाठी खूप उत्सुक झाले आहेत.
from Marathi Bollywood News, Marathi Cinema News https://ift.tt/F2LEG9d
