Sanjay Dutt Birthday: बॉलिवूड अभिनेता संजय दत्त आज ६२ वा वाढदिवस साजरा करत आहे. संजय सध्या अलीकडेच प्रदर्शित झालेल्या 'शमशेरा' या सिनेमामुळे चर्चेत आहे. या सिनेमात रणबीर कपूर आणि वाणी कपूर यांच्या प्रमुख भूमिका आहेत. तर संजय दत्त याने 'दरोगा शुद्ध सिंग' ही खलनायकाची भूमिका साकारली आहे. दरम्यान 'शमशेरा'चे दिग्दर्शन करण मल्होत्राचे आहे. या सिनेमाकडे प्रेक्षकांनी पाठ फिरवल्यानंतर संजय याने सोशल मीडियावर एक भावुक पोस्ट केल्यानी त्याची चर्चा सध्या सुरू आहे. त्याआधीही संजय दत्त 'शमशेरा'तील भूमिकेमुळे चर्चेचा विषय ठरला होता. चित्रपटाचे शूटिंग जेव्हा सुरू होते, तेव्हा संजूबाबा कॅन्सरशी लढा देत होता आणि त्याच्या सहकाऱ्यांना याविषयी कल्पनाही नव्हती. सिनेमाच्या दिग्दर्शकाने प्रदर्शनापूर्वी त्याच्या कॅन्सरविषयी भाष्य केले होते, करणने त्याचा उल्लेख 'सुपरमॅन' असा केला होता..
from Marathi Bollywood News, Marathi Cinema News https://ift.tt/FEWHK7g
