मराठी आणि हिंदी चित्रपटसृष्टीतील ज्येष्ठ अभिनेते नीळू फुले यांच्या चरित्रपटावर (बायोपिक) काम सुरू झाले आहे. नीळू फुले यांनी आपल्या कारकिर्दीची सुरुवात 'अकलेच्या कांद्याची' या मराठी लोकनाट्य कथेने केली आणि या नाटकाचे २ हजारांहून अधिक प्रयोग केले. हे नाटक एवढं गाजलं होतं की निळू भाऊंना सिनेमात काम करण्याची मागणी होऊ लागली. १९६८ मध्ये आपलं अभिनय कौशल्य 'एक गाव बारा भानगडी' सिनेमातून दाखवलं आणि बघता बघता नीळू फुले मराठी सिनेमाचे सुपरस्टार झाले. नीळू भाऊ यांनी हिंदी चित्रपटसृष्टीत ‘कुली’ चित्रपटात अमिताभ बच्चन, ‘मशाल’मध्ये दिलीप कुमार यांच्यासोबत आणि ‘सारांश’ चित्रपटात अनुपम खेर यांच्यासोबत काम केले. आता लवकरच त्यांच्या आयुष्यावर चरित्रपट येत असून प्रसाद ओक या सिनेमाचं दिग्दर्शन करणार आहे.
from Marathi Movies Serials News; Bollywood News in Marathi | Entertainment News https://ift.tt/AeuLqsB
