मुंबई- सुशांतसिंह राजपूतच्या आत्महत्येनंतर सोशल मीडियावर घराणेशाहीच्या मुद्द्याने पुन्हा एकदा डोकं वर काढलं आहे. अनेकजण सुशांतवर अन्याय झाला असून बड्या निर्मात्यांनी त्याला कायमचं डावललं असा आरोप स्टार सेलिब्रिटींवर केला जात आहे. याचमुळे सोशल मीडियावर सध्या Justice For हा हॅशटॅग ट्रेण्ड करत आहेत. या सगळ्यात आयुष्मान खुरानाचं आत्मचरित्र 'क्रॅकिंग द कोड- माय जर्नी इन बॉलिवूड'मधील एक वाक्य सध्या व्हायरल होत आहे. आयुष्मानला करणच्या कंपनीने स्पष्ट शब्दात सांगितलं होतं की, ते फक्त स्टारसोबत काम करतात. ट्विटरवर अनेकांनी पुस्तकाचा स्क्रीनशॉट शेअर केला आहे. या पुस्तकात आयुष्मानने लिहिले होते की करणने आयुष्मानला त्याच्या ऑफिसचा लँडलाइन नंबर दिला होता. यानंतर आयुष्मानला वाटले की त्याला लवकरच करणच्या सिनेमातून ब्रेक मिळेल. धर्मा प्रोडक्शनमधून त्याला लॉन्च केलं जाईल. आयुष्मानने त्याच्या ऑफिसमध्ये फोन केला असता करण ऑफिसमध्ये नसल्याचं त्याला सांगण्यात आलं. यानंतर त्याने दुसऱ्या दिवशी फोन केला असता करण कामात व्यग्र असल्याचं आयुष्मानला सांगण्यात आलं. यानंतर माझ्या स्वप्नांचा फुगा फुटला जेव्हा ते म्हणाले की, 'आम्ही फक्त स्टार्ससोबत काम करतो. तुझ्यासोबत काम नाही करू शकतो.' आयुष्मानच्या पुस्तकातील हा भाग करणविरोधात वापरला जात आहे. हा किस्सा आयुष्मानच्या आत्मचरित्रातील 'मेरी आवाज सुनो' या भागातील आहे. आयुष्मानने पुढे लिहिली की, 'त्याक्षणी मला वाईट वाटलेलं. पण मी त्याला दोष देत नाही. आता जेव्हा मी त्या गोष्टींचा विचार करतो की माझ्यासारखेच कितीतरी लोक त्यांना फोन करत असतील.' विशेष म्हणजे आयुष्मानच्या या आत्मचरित्राच्या मुखपृष्ठावर करण जोहरने त्याचं मनोगत लिहिलं आहे. करणने लिहिले की, 'हे आत्मचरित्र एका अशा आउटसायडरच्या खासगी आयुष्यावर आहे, ज्याला दरवाजाच्या आत येण्यात यश मिळालं. यासोबतच त्याने अशा वेगळ्या आडनावांनासाठीही दार उघडलं ज्यांना दरवाजाच्या आत सहसा प्रवेश मिळत नाही.' दरम्यान, सुशांतनं आत्महत्येचं इतकं टोकाचं पाऊल का उचललं या संदर्भात पोलीस आता तपास करणार आहेत. खरंच बॉलिवूडमधील स्पर्धेमुळं तो डिप्रेशनमध्ये गेला होता का? याची चौकशी केली जाईल असं राज्याचे गृहमंत्री अनिल देशमुखं यांनी म्हटलं आहे. सुशांतच्या शवविच्छेदनाच्या अहवालात त्याने आत्महत्या केल्याचं स्पष्ट झालं होतं. याशिवाय तो क्लिनिकल डिप्रेशनमध्ये होता असंही त्या अहवालात म्हटलं आहे. याची दखल घेऊन गृहमंत्र्यांनी बॉलिवूडमधील स्पर्धा हेच याचे कारण आहे? का याची चौकशीचे आदेश दिले आहेत. मुंबई पोलीस या प्रकरणाचा छडा लावतील असंही त्यांनी म्हटलं आहे.
from Marathi Bollywood News, Marathi Cinema News https://ift.tt/37MHsfi
