मुंबई:अभिनेता यानं आत्महत्या केल्यानंतर आता त्यामागची कारणे शोधण्याचा प्रयत्न सुरू आहे. सुशांत याचा मृत्यू गळफास घेतल्यानंच झाला असल्याचं शवविच्छेदन अहवालातून स्पष्ट झालं आहे. वांद्रे पोलिस ठाण्यात याप्रकरणी अपमृत्यूची नोंद करण्यात आली असून सुशांतच्या बहिणीसह सहा जणांचे जबाब नोंदविण्यात आले आहेत. या प्रकरणी आज सुशांतची जवळची मैत्रीण हिचा जबाब नोंदवण्यात आला. गेल्या काही महिन्यांपासून रिया आणि सुशांत एकमेकांसोबत रिलेशनशीपमध्ये असल्याच्या चर्चा सुरू होत्या. त्यामुळं रियाची चौकशी आणि तिनं नोंदवलेला जबाब महत्त्वाचा ठरणार आहे. पोलिसांनी रियाची तब्बल सहा तास चौकशी केली. या चौकशीत तिनं अनेक गोष्टींचा खुलासा केला आहे. त्यांच्या नात्याबद्दलही अनेक गोष्टी तिनं पोलिसांना सांगिलतल्या. सुशांतनेच रियाला निघून तू इथून निघून जा असं सांगितलं होतं; असंही तिनं पोलिसांना सांगितलं. त्यामुळं ती ६ जून रोजी सुशांतच्या वांद्र्यातल्या घरातून निघून गेली होती. सुशांत काही महिन्यांपासून डिप्रेशनमध्ये होता. त्याच्यावर उपचारही सुरू होते.पण त्यानं काही दिवसांपूर्वी औषध घेणं बंद केलं होतं. तो अनेकदा त्याच्या रुममध्ये स्वत:ला बंद करुन घ्यायचा आणि रडायचा; असंही रिया म्हणाली. ६ जून रोजी काही कारणांवरून त्या दोघांमध्ये भांडण झालं होतं त्यामुळं ती तिथून निघून गेली असं रियानं म्हटलं आहे. ओळख कशी झाली? ‘मेरे डॅडी की मारुती’ या चित्रपटासाठी शूटिंग करत असताना सुशांतसोबत ओळख झाल्याची माहिती रियानं पोलिसांना दिली. सुशांतच्या 'शुद्ध देसी रोमान्स' आणि तिच्या चित्रपटाचा सेट आजूबाजूला असल्यानं तिथं त्यांची ओळख झाली होती. त्यानंतर अनेकदा पार्ट्यांमध्ये ते भेटले. त्यानंतर त्यांच्यात मैत्री झाली; असं रियानं पोलिसांना सांगितलं. दरम्यान, राज्य सरकारनंही या प्रकरणाची गंभीर दखल घेतली आहे. 'सुशांतच्या शवविच्छेदन अहवालातून त्यानं आत्महत्या केल्याचं समोर आलं आहे. मात्र, मीडियाच्या माध्यमातून या प्रकरणाचा वेगळा पैलू समोर येतोय. सिनेसृष्टीतील व्यावसायिक शत्रुत्वातून त्यानं आत्महत्या केल्याचं बोललं जातंय. त्या अनुषंगानंही पोलीस या प्रकरणाचा तपास करतील,' असं गृहमंत्री यांनी स्पष्ट केलं आहे. पोलिसांनीही त्यांची चौकशी सुरू ठेवली आहे. यादरम्यान, रिया आणि सुशांतचा ब्रोकर सनीचा जबाब समोर आला आहे. सनी म्हणाला की, 'सुशांतसिंह राजपूत आणि रिया चक्रवर्ती दोघं एकत्र घर शोधत होते. हे घरही दोघांनी एकत्रच घेतलं असेल. भाड्यावरून सुशांतची कधीच कोणती तक्रार आली नाही. पण रात्रभर चालणाऱ्या पार्टीवरून त्याला अनेक नोटीस पाठवण्यात आल्या होत्या.' सनीनं सांगितलं की, रियाला तो फारआधीपासून ओळखतो. अनेकदा ते भेटले आहेत. सुशांतला फ्लॅट दाखवण्याच्या निमित्ताने दोघं एक- दोन वेळाच भेटले आहेत. रिया आणि सुशांत लग्न करणार असल्याचं त्याला सांगितलं होतं. याचसाठी दोघं वांद्रे इथं घर पाहत होते.
from Marathi Bollywood News, Marathi Cinema News https://ift.tt/3hKCRi1