मुंबई: स्टँडअप कॉमेडियन सध्या चर्चेत आली आहे.एका शोमध्ये तिनं यांचा अपमान केला असून हा व्हिडिओ सध्या सोशल मीडियावर प्रचंड व्हायरल झाला आहे. समस्त शिवप्रेमींनी या व्हिडिओवर आक्षेप घेत अग्रिमा जोशुआ हिच्यावर टीका केली आहे. एका शोमध्ये अग्रिमा जोशुआ हिनं मुंबईत अरबी समुद्रात बांधण्यात येणाऱ्या शिवस्मारकाबद्दल वादग्रस्त व्यक्तव्यं केली आहेत. या वक्तव्यांमध्ये छत्रपती शिवाजी महाराजांचा एकेरी उल्लेखही तिनं केला आहे. त्यामुळं समस्त शिवप्रेमीमध्ये संतापाची लाट उसळली असून तिच्यावर कारवाई करण्यात यावी अशी मागणी करण्यात येत आहे. शोमध्ये काय म्हणाली अग्रिमा जोशुआ? 'शिवाजी पुतळ्यासंदर्भात मी अधिक माहिती जाणून घेण्यासाठी मी इंटरनेटवर सर्च केलं. मला एक कोणीतरी लिहिलेला भलामोठा निबंध सापडला. पंतप्रधान नरेंद्र मोदींसाठी शिवाजी पुतळा मास्ट्ररस्ट्रोक आहे... यामुळं महाराष्ट्रात त्यांची सत्ता येईल... तर दुसऱ्या एकाला वाटलं क्रिएटिव्हिटी कॉंन्सेंट आहे, त्यानं लिहिलं की, यात जीपीएस ट्रेकरसुद्धा असणार शिवाय त्यांच्या डोळ्यात लेझर लाईट निघेल जी अरबी समुद्रातून येणाऱ्या पाकिस्तानी दहशतवाद्यांवर नजर ठेवेल. तर तिसऱ्या एका व्यक्तीनं शिवाजी नाही तर शिवाजी महाराज म्हणा, असं लिहिलं होतं... बस्स मी त्यालाच फॉलो केलं', असं तिनं तिच्या शोमध्ये म्हटलं आहे. अग्रिमा जोशुआचा हा व्हिडिओ पाहून शिवप्रेमींमध्ये संतापाची लाट उसळली असून तिला कठोर शिक्षा करण्यात यावी असं म्हटलं जात आहे.अवघ्या महाराष्ट्राचं आराध्य दैवत असलेल्या शिवरायांचा असा अपमान कोणीही सहन करणार नाही. तिच्यावर कारवाई झालीच पाहिजे अशी मागणी करण्यात येत आहे. तसंच युवासेनेतून बाहेर पडलेले नेते रमेश सोलंकी यांनी लोकांच्या भावना अग्रिमा जोशुआच्या स्टँड-अप कॉमेडीनं दुखावल्या असून तिच्याविरोधात कडक कारवाई करावी असी मागणी गृहमंत्री , मुंबई पोलीस आयुक्त यांना ट्विटरवरुन केली आहे. अग्रिमा जोशुआच्या या वक्तव्यावर भाजपचे नेते अवधूत वाघ यांनी देखील संताप व्यक्त केलाय. ‘कोण कुठली स्टॅंडअप कॉमेडियन अग्रिमा जोशुआ कुत्र पण विचारत नसेल. केवळ प्रसिद्धी मिळवण्यासाठी शिवछत्रपतींवर विनोद ? छत्रपती शिवाजी महाराज हे आमचे श्रद्धास्थान आहे. त्वरीत माफी माग, नाहीतर महाराष्ट्रात फिरणं मुष्कील होईल. सडक्या मेंदूच्या निर्लज्ज जोशुआचा तिव्र निषेध’. असा संताप अवधूत वाघ यांनी त्यांच्या ट्विटमध्ये व्यक्त केला आहे.
from Marathi Bollywood News, Marathi Cinema News https://ift.tt/3ff7nis