मुंबई- सुशांतसिंह राजपूतच्या निधनानंतर करण जोहरवर लोकांचा जेवढा राग निघत आहे तेवढाच राग निर्माती एकता कपूरवरही आहे. आता टीव्ही अभिनेता गौतम गुलाटीने एकताशी निगडीत अनेक धक्कादायक खुलासे केले आहेत. यावेळी त्याने सलमान खानचं भरभरून कौतुकही केलं. अडीअडचणीच्या काळात सलमान अनेकांना मदत करतो हे तर सारेच मानतात. सोशल मीडियावर त्याला ट्रोल केलं तरी तो त्याच्या चाहत्यांसाठी नेहमीच उभा राहतो. गौतमने एका मुलाखतीत सांगितले की, जेव्हा तो सलमानसोबत असतो तेव्हा गौतमला फार सुरक्षित वाटतं. बाहेरून येणाऱ्या अनेक कलाकारांना त्याने मदत केली आहे. एका घटनेचा उल्लेख करताना गौतम म्हणाला की, बिग बॉसनंतर सलमान आणि त्याची भेट एका पार्टीत झाली होती. तेव्हा गौतमची त्याने विचारपूस केली. यावेळी गौतमने त्याच्या काही समस्या सलमानला सांगितल्या. त्यावेळी सलमानने स्वतःचा फोन नंबर त्याला दिला आणि स्वतःसोबत काम करण्याची संधी देण्याचं वचनही दिलं. गौतम न थकता सलमानचं कौतुक करत होता. गौतम पुढे म्हणाला की, आठवड्याभरात सलमानने त्याचं आयुष्य बदललं. याउलट एकता कपूरला त्याने दगाबाज म्हटलं. गौतम म्हणाला की, बिग बॉस संपल्यानंतर एकता कपूरने त्याला तीन सिनेमांची ऑफर दिली होती. मात्र काही दिवसांनी एकताने सिनेमांमधून त्याची व्यक्तिरेखा काढून टाकली. गौतमने यासंबंधी एकता कपूरशी बोलण्याचा प्रयत्नही केला. पण तिने कोणतेही उत्तर दिले नाही. अखेर गौतमने कॉन्ट्रॅक्ट तोडलं. दरम्यान, लवकरच सलमानच्या 'राधेः युवर मोस्ट वॉन्टेड भाई' सिनेमात दिसणार आहे.
from Marathi Bollywood News, Marathi Cinema News https://ift.tt/3fGrg2o
