मुंबई:इराणी चित्रपट निर्माते माजिद यांनी निर्मिती केलेला मोहम्मद पैगंबर यांच्या जीवनावर आधारित '' हा चित्रपट प्रदर्शनापूर्वीच वादात सापडला आहे. मुंबईतील या सुन्नी संघटनेनं या चित्रपटावर बंदी आणावी अशी मागणी राज्याचे गृहमंत्री गृहमंत्री अनिल देशमुख यांच्याकडं केली आहे. इस्लाममध्ये प्रेषित मोहम्मद यांचं चित्र रेखाटणं किंवा त्यांची व्यक्तिरेखा साकारणं निषिद्ध मानलं जातं. माजिदी हे या नियमाचं उल्लंघन करत असल्यानं मुस्लिम संघटनांनी त्यांच्या चित्रपटाला विरोध दर्शवला आहे. हा चित्रपट लवकरच डिजिटल प्लॅटफॉर्मवर प्रदर्शित केला जाणार असून यावर बंदी घालावी यासाठी रझा अकादमी या संस्थेनं राज्याच्या सायबर विभागाकडं तक्रार केली आहे. चित्रपट प्रदर्शित झाल्यानंतर समाजात तेढ निर्माण होऊ शकतो, असंही या तक्रारीत म्हटलं गेलं आहे. तसंच माहिती तंत्रज्ञान कायद्यातील तरतुदीनुसार चित्रपट प्रसारणावर बंदी घालावी, असंही या तक्रारीत म्हटलं गेलं आहे. राज्याच्या सायबर विभागाकडं याची तक्रार आल्यानंतर तत्काळ याची दखल घेतली गेल्यानं हे पत्र केंद्र शासनास पाठवलं असल्याची माहिती गृहमंत्री अनिल देशमुख यांनी दिली आहे. माजिदी यांनी इराण सरकारच्या आर्थिक साहाय्यानं मोहम्मद: (स.) यांच्या जीवनावर तीन चित्रपट बनवायला घेतले. त्यापैकी पहिला 'मोहम्मद: द मेसेंजर ऑफ गॉड' हा त्यांच्या बालपणासंबंधी आहे. चित्रपटाला यांनी संगीत दिलं आहे. रेहमान विरुद्ध काढण्यात आला होता फतवा इस्लाममध्ये प्रेषित महम्मद यांचे चित्र रेखाटणं किंवा त्यांची व्यक्तीरेखा साकारणं निषिद्ध मानले जातं. साऱ्या इस्लाम धर्मियांकडून याचं पालन केलं जातं. अन्य धर्मातील व्यक्तींनी देखील असं करू नये म्हणून बजावण्यात येतं. परंतु, 'मोहम्मद- मेसेंजर ऑफ गॉड' चित्रपटात या नियमाचं उल्लंघन करण्यात आल्याचा दावा मुस्लिम संघटनांकडून केला जात आहे. माजिदी आणि रेहमान यांचा हा चित्रपट काढण्याचा निर्णयच इस्लामविरोधी असल्याचा ठपकाही त्यांच्यावर ठेवत त्यांच्याविरुद्ध फतवा काढण्यात आला होता.हाजी अली मशिदीचे इमाम मुफ्ती मेहमूद अख्तर यांच्याकडून हा फतवा जारी करण्यात आला होता. त्या फतव्याला रेहमान यांनी आपल्या पद्धतीनं उत्तर दिलं होतं. फतवा जारी करणाऱ्या संस्थेचे अध्यक्ष नूरी यांनी सांगितलं होतं की, असे चित्रपट होत असताना तुम्ही काय केलं, असें मेल्यानंतर अल्लाहनं विचारले तर आम्ही काय उत्तर देणार? त्यावर रहमान यांनी, अल्लाहनं मला जर विचारलं की मी तुला संगीतकार बनवला, मग तू या चित्रपटाला संगीत का नाही दिलं, तर मी काय सांगणार? या प्रतिप्रश्नांतून आपली भूमिका स्पष्ट केली होती.
from Marathi Bollywood News, Marathi Cinema News https://ift.tt/3h3Ve0h
