गेल्या अनेक दिवसांपासून बॉलिवूड अभिनेता शेखर सुमन चर्चेत आहे. सुशांतसिंह राजपूतच्या आत्महत्येप्रकरणी त्यांनी सीबीआय चौकशीची मागणी केली होती. यासोबतच सुशांतने घराणेशाहीला कंटाळून आत्महत्या केल्याचे आरोपही शेखर यांनी केले होते. दरम्यान, शेखर यांनी एकामागोमाग एक अनेक ट्वीट केले. यात त्यांनी सुशांतच्या केसमध्ये पाय मागत घेत असल्याचं सांगितलं. नंतर पुन्हा ट्वीट करून म्हणाले की ते ही केस अशीच पुढे सुरू ठेवणार आहेत. नवभारत टाइम्सला दिलेल्या मुलाखतीत शेखर सुमन म्हणाले की, 'माझं अनेकांशी बोलणं झालं. प्रत्येकजण मला म्हणाला की, सुशांतचं कुटुंब या प्रकरणी पूर्ण शांत आहेत. अशावेळी कुटुंबाचा पाठिंबा आवश्यक असतो. सुब्रमण्यम स्वामी यांनी याप्रकरणी सीबीआय चौकशी करण्याची मागणी केली आहे.यावेळी स्वामी म्हणाले होते की, आम्ही उच्च न्यायालयात आणि सर्वोच्च न्यायालयातही जाऊ पण कुटुंबाने पुढे येणंही तेवढंच गरजेचं आहे. जर न्यायालयाने सांगितलं की कुटुंबालाच काही गरज नाही तर आम्ही काय बोलणार. कुटुंबाचा पाठिंबा मिळाला तर मोठं बळ मिळतं. कुटुंबाकडून स्टेटमेन्ट आलं तर चळवळीला बळ मिळतं. असं असलं तरी सुशांत हा एक सेलिब्रिटी होता. अनेक बड्या नेत्यांनी त्याची केस पुढे नेली. त्यामुळे आता मी थोडं मागे राहणं पसतं केलं आहे. पण जेव्हा लोकांनी मला असं न करण्याचा सल्ला दिला तेव्हा मी पुन्हा या केसमध्ये लक्ष घालण्याचा निर्णय घेतला. आता कुटुंबाने पुढाकार घेवो अथवा नाही मी सुशांतला न्याय देईनच.'
याआधीही शेखर यांच्या ट्वीटवरून त्यांनी पराभव मानल्याचं वाटलं होतं. पण आपल्या शेवटच्या ट्वीटमध्ये त्यांनी लढा कायम ठेवण्याचा निर्णय घेतला. शेखर यांनी बुधवारी ट्वीटमध्ये लिहिले की, 'आतापर्यंत मला सहाय्य केल्याबद्दल तुम्हा सर्वांचे धन्यवाद. पण आता मला मागे जाण्याची परवानगी द्या. कारण सुशांतचं कुटुंब काही बोलत नाहीये. मला वाटतं काही बोलावं की नाही हा त्यांचा अधिकार आहे आणि आपण त्याचा सन्मान केला पाहिजे.'
दुसऱ्या ट्वीटमध्ये शेखर यांनी लिहिले की, 'पण मी पडद्याच्यामागे राहून काम करतच राहीन. जेव्हा सुशांतला न्याय मिळेल तेव्हा सर्वात जास्त आनंद मलाच होईल. सर्वांचे आभार. सुब्रमण्यम स्वामी यांनाही धन्यवाद.' तिसऱ्या ट्वीटमध्ये अभिनेत्याने लिहिले की, 'मला नाही माहीत आपल्या प्रयत्नांचं काय फळ मिळेल. पण आपण जगाला आपली ताकद, एकता दाखवण्यास सक्षम आहोत. आपण सर्वांचं लक्ष आपल्याकडे वेधून घेण्यास सक्षम आहोत.'
चौथ्या ट्वीटमध्ये सुमन यांना लिहिले की, 'मला इथे स्पष्ट करायचं आहे की, मला कोणीही धमकावलं नाही. मी जबाबदारीतून अंग काढून घेत नाहीये. मी फक्त एवढं बोलतोय की मी मागे बॅकसिट घेतोय. या दोन गोष्टीत फरक आहे. मी तुमच्यासोबत आहेच पण आता कुटुंबाने पुढे येऊन जबाब देणं गरजेचं आहे.' पाचव्या ट्वीटमध्ये शेखर यांनी लिहिले की, 'यासंबंधी मी खूप विचार केला आणि मला या गोष्टीची जाणीव झाली की मी लोकांना निराश करू शकत नाही. आधीप्रमाणेच मी यापुढेही समोरून लढाई सुरूच ठेवेन. सुशांत एक सेलिब्रिटी होता आणि आपण त्याच्यासाठी लढत आहोत.'
शेखर सुमन त्यांच्या राजकीय अजेंडासाठी या प्रकरणात अधिक लक्ष घालत आहे, असा आरोप त्यांच्यावर करण्यात आला होता. याबद्दल बोलताना ते म्हणाले की, 'सिनेसृष्टीत घराणेशाही आहे. सुशांत याच घराणेशाहीचा शिकार झाला. हा मुद्दा तपासाचा आहे आणि सीबीआय चौकशीची मागणी करण्यासाठी लोकांकडून केवळ राजकीय पाठिंबा मागितला.' दरम्यान, मुंबई पोलिसांनी सुशांतच्या आत्महत्ये प्रकरमी ३५ हून अधिक सेलिब्रिटींचा जबाब नोंदवून घेतला असून यावर तपास सुरू आहे.
from Marathi Bollywood News, Marathi Cinema News https://ift.tt/2Wox8FL
