मुंबई: अभिनेता याचा अखेरचा सिनेमा '' या चित्रपटाचा ट्रेलर अखेर आज प्रदर्शित करण्यात आला.सुशांतचा मित्र आणि कास्टिंग डिरेक्टर यानं या सिनेमाचं दिग्दर्शन केलं आहे. विशेष म्हणजे या ओटीटी प्लेटफॉर्मच सब्स्क्रिप्शन घेणाऱ्या आणि न घेणाऱ्या अशा दोन्ही प्रेक्षकांना सुशांतचा हा अखेरचा चित्रपट पाहता येणार आहे. सिनेमात अभिनेत्री संजना ही किझी नावाचं कॅन्सरग्रस्त मुलीची भूमिका साकरेतय. तर सुशांत तिच्या प्रियकराच्या म्हणजेच मॅनीच्या भूमिकेत आहे. अत्यंत भावुक अशा ट्रेलरमध्ये दोघांच्यातलं प्रेम दिसून येतं. कॅन्सर झालेल्या किझीची अनेक स्वप्नं असतात. तिची स्वप्न पूर्ण करण्यासाठी धडपडणारा प्रियकर सुशांतनं साकारला आहे. ट्रेलर पाहाताना आपण आपसूकच भावुक होऊन जातो. सुशांतचं या जगात नसणं पुन्हा-पुन्हा आठवत राहतं. सुशांतसिंह राजपूत आणि यांच्या या चित्रपटात मुख्य भूमिका आहेत. मुकेश छाबडा यांनीच सुशांतचं नाव त्याचा पहिलावहिला सिनेमा 'काय पो छे'साठी दिग्दर्शक अभिषेक कपूर यांना सुचवलं होतं. 'दिल बेचारा' थिएटरमध्ये प्रदर्शित करण्यात यावा अशी आग्रही मागणी सुशांतच्या चाहत्यांनी केली होती. पण, सिनेमाचं प्रदर्शन ओटीटीवर होत आहे. पाहा ट्रेलर: सिनेमाविषयी मुकेश सांगतात की, 'आपण दोघांनी मिळून एका सिनेमात काम करायचं स्वप्न पाहिलं होतं. त्यानुसार तू माझ्या 'दिल बेचारा' या चित्रपटात काम केलंस. मात्र, हा सिनेमा अशा पद्धतीनं तुझ्याशिवाय प्रदर्शित करायची वेळ माझ्यावर येईल असं मला अजिबात वाटलं नव्हतं. आता तुझी अखेरची आठवण म्हणून तुझी ही कलाकृती तुझ्या कोट्यवधी फॅन्सना पाहायला मिळणार आहे. मला वाटतं तू जिथे कुठे असशील तिथून ही बातमी ऐकून तुझ्या चेहऱ्यावर ते निरागस हास्य पुन्हा एकदा उमटलं असेल.' येत्या महिन्यात २४ जुलैला हा सिनेमा हॉटस्टारवर प्रदर्शित होणार आहे.
from Marathi Bollywood News, Marathi Cinema News https://ift.tt/2VQGHgo