मुंबई: मराठी सिनेसृष्टीतील अभिनेत्री फेब्रुवारीमध्ये साखरपुड्यासाठी दुबईला गेली होती, पण लॉकडाऊनमुळं तिथंच अडकली आहे. होणारा नवरा सोबत ती दुबईमध्ये राहत आहे. यादरम्यान सोनाली सोशल मीडियावर अनेक गोष्टी शेअर करत असते. नुकतंच तिनं इन्स्टाग्रामनवर शेअर केलेल्या स्टोरींची चर्चा सुरू आहे. सोनालीनं कुणालसाठी खास डोसा आणि सांबार बनवलं होतं. विशेष म्हणजे सोनालीला स्वयंपाकाची फारशी आवड नाहीए. पण कुणालसाठी तिनं पहिल्यांदाच डोसा आणि सांबार बनलं होतं. याचे काही फोटो तिनं इन्स्टाग्रामच्या स्टोरींमध्ये शेअर केलेत. डोसा आणि सांबारचा फोटो शेअर करत तिनं सांबार पहिल्यांदाच बनवलं असल्याचं म्हटलं आहे. तर कुणालचा एक फोटो शेअर केलाय. सोनालीनं केलेला डोसा सांबार खाताना दिसतोय. या फोटोला तिनं 'समाधान' असं म्हटलं. यावरून तिला कुणालला नव-नवीन पदार्थ खायला घालणं आवडतंय हेच म्हणावं लागेल. स्वीकारलं होतं फिटनेस चॅलेंज सोनालीनं सेलिब्रिटी फिटनेस ट्रेनर प्रणितचं प्रसिद्ध ३७ दिवस फिटनेस चॅलेंज स्वीकारलं होतं.सेलिब्रिटी फिटनेस ट्रेनर प्रणितचं प्रसिद्ध ३७ दिवस ३७ दिवसांच्या या फिटनेस चॅलेंजच्या काळात, व्हिडीओ कॉलच्या माध्यमातून प्रणितच्या संपर्कात राहून, तिनं नियमित डाएट आणि वर्कआऊट केलं. या ३७ दिवसांच्या काळात, ती दिवसातून ४ तास वर्कआऊट करत होती. एवढंच नाही, तर या दिवसांमध्ये तिनं साखर खाणं पूर्णपणे बंद केलं होतं. सकाळच्या वेळी रिकाम्या पोटी हा व्यायाम करण्यावर तिने भर दिला. अर्थात, जिम बंद असल्यामुळे आणि व्यायामासाठी घराबाहेर पडणे शक्य नसल्यानं, घरच्या घरीच वर्कआऊट करावं लागत होतं. या सर्व मेहनतीमध्ये कुणालसुद्धा सहभागी होता. दोघांनी जोडीनं मिळून प्रणितचं फिटनेस चॅलेंज पूर्ण केलं. या अनोख्या चॅलेंजबद्दल सोनालीनं सांगितलं की, 'युवा डान्सिंग क्वीनचं शूट सुरू असताना मला प्रणितचा कॉल आला होता. मात्र तेव्हा कामात बिझी असल्यानं वेळेअभावी मला ते जमलं नाही. लॉकडाऊन मध्ये माझ्या वाढदिवसानिमत्त प्रणितनं हे चॅलेंज मला गिफ्ट केलं. रोज व्हिडीओ कॉलच्या माध्यमातून, प्रणितच्या संपर्कात राहणं सोपं होतं. मी करत असलेलं वर्कआऊट योग्य आहे की नाही याकडे लक्ष देणं, योग्य त्या सूचना करणं, यासाठी आम्ही व्हिडीओ कॉलचा प्रभावी वापर केला गेला. टेक्नॉलॉजीचा वापर करून, फिट राहण्याचा हा फंडा मला खूप आवडला. योग्य वर्कआऊट आणि साखरेविना असलेलं डाएट मी मेहनतीनं केलं. याचा परिणाम म्हणून, लॉकडाऊनच्या काळातही माझा फिटनेस उत्तम राखला गेला आहे. हा फिटनेस क्लास प्रणितच्या मार्गदर्शनाखाली मी पुढेही सुरू ठेवेन.'
from Marathi Bollywood News, Marathi Cinema News https://ift.tt/2ZWph2Z