न्यूयॉर्क- ब्रॅड पिटला त्याची दोन मुलं आणि पॅक्ससोबत जुळवून घेण्यास अनेक गोष्टींचा सामना करावा लागत आहे. अभिनेत्याच्या जवळील एका व्यक्तीने एका वृत्तपत्राला यासंबंधीची माहिती देत म्हटलं की, ब्रॅडचे मुलांसोबतचे संबंध थोडे ताणले गेले आहेत. २०१६ मध्ये बाप- लेकांमध्ये मोठ्या प्रमाणात वाद झाला होता. यानंतर त्यांच्यात दुरावा निर्माण झाला. मीडिया रिपोर्टनुसार, ब्रॅड आणि त्याच्या मुलांमध्ये २०१६ मध्ये जेटमधून जाताना मोठं भांडण झालं. या भांडणाचं मूळ कारण होतं आणि ब्रॅडचा घटस्फोट. मुलांसोबतचं नातं बिघडल्यामुळे ब्रॅड नैराश्यात गेला होता. त्याने अनेकप्रकारे नातं सुधारण्याचा प्रयत्न केला. पण त्याचा फारसा काही उपयोग झाला नाही. ब्रॅड पिटच्या जवळील व्यक्तीने हेही सांगितले की, अभिनेता त्याचा दुसरा मुलगा पॅक्सशी भावनिकरित्या फार जवळ होता. बिघडलेले संबंध पुन्हा नव्याने जोडण्याचा ब्रॅड आता पर्यत्न करत आहे. तो आपल्या छोट्या मुलासोबतचे संबंधी अधिक दृढ करू इच्छित आहे. पण पॅक्सवर मोठ्या भावाचा प्रभाव असल्यामुळे ब्रॅडच्या प्रयत्नांना फारसं यश मिळत नाहीये. तरीही मोठ्या भावाचा पॅक्सवरचा प्रभाव कमी होईल आणि बाप- लेकाचं नातं पुन्हा चांगलं होईल अशी आशा ब्रॅड व्यक्त करतो. मॅडोक्स जॉली- पिट हा ब्रॅड पिटच्या कुटुंबातील एकमेव सदस्य होता ज्याने आपल्या वडिलांसोबतच्या बिघडलेल्या संबंधांवर भाष्य केलं होतं. सप्टेंबर २०१९ मध्ये मॅडॉक्सला कॉलेजच्या परिसरात एक पत्रकार भेटला. वडील ब्रॅड भेटायला येतात का असा प्रश्न पत्रकाराने विचारला असता त्यावर 'त्यांना माहीत नाहीये सध्या आम्ही काय करतो' असं मॅडॉक्सने उत्तर दिलं होतं. दरम्यान, अँजेलिना आणि ब्रॅड जवळपास २००५ पासून एकत्र होते. 'मिस्टर अँड मिसेस स्मिथ' आणि 'बाय द सी' या सिनेमात त्यांनी एकत्र काम केलं होतं. त्यांच्या ऑनस्क्रीन आणि ऑफस्क्रीन केमिस्ट्रीच्या प्रेमात चाहते होते. अनेक वर्ष त्यांच्या नात्याची चर्चा हॉलिवूडमध्ये होती. नऊ वर्षांच्या लिव्ह- इन रिलेशनशिपनंतर २०१४ मध्ये ब्रॅड आणि अँजेलिनाने लग्न केलं. पण त्यांचा हा सुखी संसार फार काळ टिकला नाही. लग्नाच्या अवघ्या दोन वर्षातच त्यांनी वेगळं होण्याचा निर्णय घेतला. ब्रॅड आणि अँजेलिनाला यांना एकूण सहा मुलं आहेत. सध्या सहाही मुलांचं पोषण अँजेलिना जोली करत आहे.
from Marathi Bollywood News, Marathi Cinema News https://ift.tt/39osltn
