मुंबई: दिवंगत अभिनेता याचा शेवटच्या चित्रपट असलेल्या ''चा ट्रेलर नुकताच प्रदर्शित झाला. अवघ्या २४ तासांत या ट्रेलरला प्रेक्षकांनी भरभरून प्रतिसाद दिला आहे. चोवीस तासांत या ट्रेलरला सर्वाधिक लाइक्स मिळाले अनेक बॉलिवूड सेलिब्रिटींनी हा ट्रेलर शेअर करत त्यांच्या भावना व्यक्त केल्यात. सुशांतची एक्स गर्लफ्रेंड हिनं देखील 'दिल बेचारा' चित्रपटाचा ट्रेलर शेअर केला आहे. ट्रेलर शेअर करताना ती भावुक झाल्याचं पाहायला मिळालं. तिनं अत्यंत भावुक असं कॅप्शनही दिलं आहे. 'हा चित्रपट पाहणं खरंच खूप अवघड असणार आहे...पण पाहणार नाही असं होईल ? असं क्रितीनं तिच्या ट्विटमध्ये म्हटलं आहे. सुशांतच्या आत्महत्येनंतर क्रितीनं एक पोस्ट शेअर करत तिच्या भावनांना वाट मोकळी करून दिली होती. तिनं सुशांतसोबतचे काही फोटो शेअर केले होते. या फोटोंसोबत तिनं सुशांतसाठी भावुक मेसेज लिहिला होता. 'सुश...मला माहित आहे की, तुझं मन, तुझे विचार तुझे सर्वांत चांगले मित्र आणि सर्वांत मोठा शत्रूही तेच होते. तुला जगण्यापेक्षा मरणं सोप्प वाटलं, या विचारानं आज मी पूर्णपणे कोसळले आहे. त्या क्षणी तुझ्या आजूबाजूला काही जण हवे होते.. जे त्या क्षणी तुला यातून बाहेर काढू शकले असते. काश..तुझ्यावर प्रेम करणाऱ्यांना तू हा धक्का दिला नसता. काश..तुझ्या मनातली घालमेल मला समजून घेता आली असती...आता हे शक्य नाही...अशा अनेक गोष्टी आहेत... माझ्या काळजाचा एक तुकडा तुझ्या सोबत आहे....आणि तू नेहमीच माझ्यासोबत राहणार आहेस. नेहमीच तुझ्यासाठी प्रार्थना करत होते...आणि यापुढंही करेन...'असं क्रिती सॅनननं लिहिलं होतं. वाचा: दरम्यान, सुशांतसिंह राजपूत व संजना सांघी यांच्या मुख्य भूमिका असलेल्या 'दिल बेचारा' चित्रपटाच्या ट्रेलरला ४४ लाखांहून अधिक लाइक्स मिळाले आहेत. तर युट्यूबवर या ट्रेलरला दोन कोटींहून अधिक व्ह्यूज मिळाले आहेत. 'अॅव्हेंजर्स एंडगेम'च्या पहिल्या आणि दुसऱ्या ट्रेलरला ३२ लाख आणि २९ लाख अनुक्रमे व्ह्यूज मिळाले होते. 'दिल बेचारा'च्या ट्रेलरला अवघ्या एका तासात पन्नास लाख व्ह्यूज मिळाले. येत्या २४ जुलै रोजी हॉटस्टारवर हा चित्रपट प्रदर्शित होणार आहे. जॉन ग्रीन यांच्या 'द फॉल्ट इन अव्हर स्टार्स' या कादंबरीवर आधारित चित्रपटाची कथा आहे. मुकेश छाबडा याने या चित्रपटाचं दिग्दर्शन केलं आहे. वाचा:
from Marathi Bollywood News, Marathi Cinema News https://ift.tt/2BIfQMN