कराची- आजही जगभरातील अनेक देशांमध्ये करोना व्हायरसचा धोका दिवसें दिवस वाढताना दिसत आहे. अनेक दिवसांच्या लॉकडाउननंतर आता लोक सामान्य आयुष्य जगण्याचा प्रयत्न करत आहे. भारतात अनेक महिन्यांच्या लॉकडाउननंतर आता अनलॉकची प्रतिक्रिया सुरू झाली आहे. पण पाकिस्तानमध्ये याउलट स्थिती आहे. तिथे लॉकडाउनचे नियम धाब्यावर बसवून सेलिब्रिटी लग्न सोहळ्यात मग्न आहेत. अनेक सेलिब्रिटी करत आहेत लग्न- पाकिस्तानी मॉडेल आणि अभिनेता सैयद अलीने नुकतंच लग्न केलं. एका मुलाखतीत त्याने सांगितलं की त्याचा साखरपुडा सहा महिन्यांपूर्वी झाला होता. इस्लामाबादमध्ये दोघांनी लग्न केलं. करोनाच्या पाश्वभूमीवर लग्न समारंभात आवश्यक ती खबरदारी घेतल्याचं त्याने सांगितलं. आपल्या पत्नीबद्दल बोलताना त्याने सांगितलं की, ती मुळची दुबईची असून त्यांचे कौटुंबिक संबंध लग्नाच्याआधीपासून आहे. ती पर्द्यात असते त्यामुळे तिचा चेहरा दाखवू शकत नाही. मी तिला इन्स्टाग्रामसाठी एक फोटो काढण्याची विनंती केली होती पण तिने नकार दिला. याशिवाय पाकिस्तानी गायक हारुन राशिनेदही करोना काळात लग्न केलं आहे. त्याने लग्नाचे फोटो सोशल मीडियावर शेअर केले. महबूबा गाण्यापासून लोकप्रिय झालेला हारुनने कुटुंबियांच्या उपस्थितीत गेल्या आठवड्यात लग्न केलं. हारूनने पत्नीसोबतचे अनेक फोटो इन्स्टाग्रामवर शेअर केले आहे. दरम्यान, बॉलिवूडमध्ये जरी कोणी लग्न केलं नसलं तरी अनेक टीव्ही कलाकारांनी या लॉकडाउनमध्ये लग्न केलं आहे. कमीत कमी लोकांच्या उपस्थितीत त्यांनी लग्न समारंब पार पाडल्याचं सोशल मीडियावर सांगितलं. फक्त हिंदी टीव्हीतील कलाकारच नाही तर अनेक मराठी कलाकारांनीही या लॉकडाउनमध्ये साखरपुडा आणि लग्न केल्याचं समोर आलं आहे.
from Marathi Bollywood News, Marathi Cinema News https://ift.tt/325CERr