मुंबई- बॉलिवूड अभिनेता सुशांत सिंह राजपूतच्या आत्महत्येच्या प्रकरणाने आता वेगळच वळण घेतलं आहे. सुशांतच्या वडिलांनी मंगळवारी आणि तिच्या घरातल्यांविरोधात पटणा येथे एफआयआर दाखल केली. यात रियावर प्रेमाच्या जाळ्यात अडकवून कोट्यवधी रुपये हडपणे, बंधक करणे, मानसिक रुग्ण असल्याचे भासवणे आणि आत्महत्येसाठी प्रवृत्त करण्यासारखे अनेक गंभीर आरोप केले. याआधी सुशांतचा मृत्यू हा बॉलिवूडमधील गटबाजी आणि घराणेशाहीमुळे झाला असल्याचं मानलं जात होतं. इथे पाहा सुशांतच्या केसशी निगडीत प्रमुख १० गोष्टी सुशांतच्या वडिलांनी रिया चक्रवर्ती विरोधाक केली एफआयआर जवळपास दिड महिन्यांनंतर सुशांतच्या वडिलांनी यांनी पटणातील राजीव नगर येथे सुशांतची कथित प्रेयसी रिया चक्रवर्तीसह चार लोकांविरोधात एफआयआर दाखल केली. या सात पानी एफआयआरमध्ये सिंह यांनी अनेक आरोपांचे खुलासे केले. रियावर केले हे आरोप सुशांतच्या वडिलांनी आपल्या रिपोर्टमध्ये रियावर सुशांतचे १५ कोटी रुपये हडप केल्याचा आरोप केला. यासोबतच सुशांतला वारंवार धमकावल्याचेही ते म्हणाले. असं म्हटलं जातं की सुशांतच्या अकाउंटमध्ये १७ कोटी रुपये होते. रियाने सुशांतच्या घरून उचलल्या अनेक गोष्टी यासोबतच केके सिंह म्हणाले की, रियाने सुशांतच्या निधनापूर्वी त्याच्या घरातून पैसे, कागदपत्र, लॅपटॉप, क्रेडिट कार्ड आणि सुशांतचा पासवर्डही चोरला. मात्र पोलिसांना रियाकडून या कोणत्याच गोष्टी अजूनपर्यंत मिळाल्या नाहीत. अंकिता लोखंडेने दिली प्रतिक्रिया सुशांतच्या वडिलांना एफआयआर दाखल केल्यानंतर अंकिताने ट्वीट करून शेवटी सत्याचा विजय होईल असे लिहिले. अंकिता आणि सुशांतने एकमेकांना सहा वर्ष डेट केलं. दोघं लिव्ह- इन रिलेशनशिपमध्येही होते. बिहार पोलीस करणार चौकशी केके सिंह यांच्या चौकशीनंतर बिहार पोलिसांची एक टीम नेमण्यात आली आहे जी यापुढे सुशांतच्या निधनाचा तपास करेल. ही टीम सुरुवातीपासून प्रत्येक गोष्ट पुन्हा तपासणार आहे आणि संशयित व्यक्तींची पुन्हा चौकशी करणार. या टीमचे काही सदस्य मुंबईत पोहोचल्याचंही म्हटलं जात आहे. सुशांतच्या मुंबईतील घरी जाणार बिहार पोलीस केके सिंह यांच्या तक्रारीनंतर बिहार पोलिसांची टीम वांद्रे येथील सुशांतच्या अपार्टमेन्टचा पुन्हा तपास करणार. याच घरी सुशांतने गळफास लावून केली होती. याशिवाय बिहार पोलीस त्या सर्व पुरावे पुन्हा पाहणार जे मुंबई पोलिसांनी जमवले आहेत. फॉरेन्सिक टीमचा व्हिडिओ लिक या सर्व गदारोळात एक व्हिडिओही सध्या सोशल मीडियावर व्हायरल होत आहे. हा व्हिडिओ सुशांतच्या मृत्यूचा तपास घेणाऱ्या फॉरेन्सिक टीमचा आहे. यात एक अधिकारी त्याच्या सहकाऱ्यांना व्हिडिओ लिक न होण्याची खबरदारी घेण्यास सांगताना दिसत आहे. पण यात किती तथ्यता आहे हे अजून कळू शकले नाही. रियाच्या घरी पोहोचली वकिलांची टीम केके सिंह यांनी एफआयआर दाखल केल्यानंतर रिया चक्रवर्तीच्या घरी अचानक धावपळ सुरू झाली. देशातील सर्वात महागडे वकील सतीश मानशिंदे यांची एक टीम रियाच्या घरी पोहोचली. असंही म्हटलं जात आहे की रियाच्या वकिलांची टीम कायदेशीर कारवाईची तयारी करत आहेत. रियावर आरोप आणि करण जोहरची होऊ शकते चौकशी याप्रकरणी आतापर्यंत अनेक सेलिब्रिटींची चौकशी करण्यात आली आहे. कंगना रणौतची चौकशी होणं बाकी आहे. एका टीव्ही मुलाखतीत तिनेसिनेसृष्टीतील अनेकांवर गंभीर आरोप केले होते. या प्रकरणी आता लवकरच करण जोहरचीही चौकशी करण्यात येणार असल्याचं म्हटलं जात आहे. रियावर सुशांतचे १५ कोटी रुपये घेतल्याचाही आरोप आहे. याचीही बिहार पोलीस चौकशी करणार आहे. १४ जूनला केली आत्महत्या सुशांतसिंह राजपूतने १४ जून रोजी मुंबईतील वांद्रे येथील त्याच्या राहत्या घरी गळफास लावून आत्महत्या केली. यानंतर लगेच मुंबई पोलिसांनी याप्रकरणी चौकशी करण्यास सुरुवात केली. यात पोलीस खासगी आयुष्यासोबतच सिनेक्षेत्रातील शत्रूत्वावरही लक्ष ठेवून आहे. कारण सुशांतविरोधात बॉलिवूडमधील एक ग्रुपने गटबाजी केल्याचा आरोप अनेकांकडून सातत्याने केला जात आहे. मुंबई पोलिसांनी केली बड्या सेलिब्रिटींची चौकशी सुशांतच्या मृत्यू प्रकरणा मुंबई पोलिसांनी आतापर्यंत ४० हून अधिक लोकांचे जबाब नोंदवून घेतले आहेत. यात सुशांतच्या कुटुंबियांपासून त्याचे मित्र, प्रेयसी रिया चक्रवर्ती, त्याच्या घरातील नोकर आणि बॉलिवूडमधील अन्य कलाकारांचाही सहभाग आहे. संजय लीला भन्साळी, आदित्य चोप्रा, महेश भट्ट अशा बड्या सेलिब्रेटींचेही जबाब नोंदवला गेला आहे.
from Marathi Bollywood News, Marathi Cinema News https://ift.tt/2EnGV8K
