अनुपम भाटवडेकर टचस्क्रीन २००७मध्ये स्टिव्ह जॉब्स यांनी हाताच्या बोटांनी कंट्रोल करता येईल असा आणि ब्राऊजर सुविधा असलेला लाँच केला. आयफोननंतर नोकिया, ब्लॅकबेरी, सॅमसंग या कंपन्यांनीदेखील आपले टचस्क्रीन फोन बाजारात उपलब्ध केले. हा बदल आता आपल्याला इतका जवळचा झाला आहे की, टचस्क्रीन शिवाय फोनचा आपण विचारच करू शकत नाही. मल्टी टच अॅपलनं टचस्क्रीनसह आपल्या फोनमध्ये मल्टी टच फिचरसुद्धा समाविष्ट केलं. यामुळे फोनमध्ये पिंच-टू-झूम आणि पिंच-टू-रोटेट करता येणं शक्य झालं. नंतर हे फिचर सगळ्याच स्मार्टफोन्समध्ये दिसू लागलं. अॅप अॅप हा हल्ली सहज वापरला जाणारा शब्द. पण २००८ साली आलेल्या आयफोनमध्ये पहिल्यांदाच ही संकल्पना मांडली गेली. या आयफोनमधील अॅप स्टोअरमध्ये ५०० अॅप्स उपलब्ध होते. अॅप स्टोअरमधील अॅप्स ना इतका चांगला प्रतिसाद मिळाला की, नंतर अँड्रॉइड, ब्लॅकबेरी आणि नोकिया या सगळ्यांनीच आपल्या ऑपरेटिंग सिस्टिमवर अॅप्स डाऊनलोड करण्यासाठी स्टोअर सुरू केलं. नॉच आयफोन एक्समध्ये पहिल्यांदाच डिस्प्ले स्क्रीन कट करून त्यात कॅमेरा बसवला गेला. हा बदल म्हणजे फोन डिस्प्लेमध्ये झालेली क्रांतीच म्हणावी लागेल, कारण यानंतर आलेले सगळे स्मार्टफोन्स नॉच डिस्प्लेचा समावेश असलेलेच लाँच झाले. फेस आयडी आणि अनलॉक फेस आयडी आणि फेस अनलॉक हे अॅपलमध्ये इतर फोन्सपेक्षा नंतर आलं. पण तरीही हे फिचर बाकी फोन्सपेक्षा अधिक लोकप्रिय झालं. आता जवळपास सगळ्याच फोन्समध्ये हे फिचर हमखास असतं. हेडफोन जॅक रिमूव्हल आयफोन ७मध्ये हेडफोन जॅक नसेल हे कळल्यावर अॅपल कंपनीवर प्रचंड टिका करण्यात आली. काहींनी तर हा बदल म्हणजे निव्वळ वेडेपणा आहे असंही म्हटलं. पण फोन लाँच झाल्यावर ग्राहकांचा प्रतिसाद बघून अॅपल कंपनी काळाच्या एक पाऊल पुढे असते हे जाणवलं. नंतर सगळ्याच फोनमधून खास करून फ्लॅग शिप डिव्हाइसेलमधून हेडफोन जॅक दिसेनासा झाला. पोर्ट्रेट मोड पोर्ट्रेट मोड हे फिचर पहिल्यांदा २०१६ साली आयफोन ७ प्लसमध्ये आणलं गेलं. ते ग्राहकांच्या इतक्या पसंतीस पडलं की, आता हे फिचर जवळपास सगळ्याच फोनमध्ये उपलब्ध झालं आहे. एअर-ड्रॉप अॅपल डिव्हाइसेसमध्ये फाइल शेअर करण्यासाठी एअर-ड्रॉप हे अॅपलचं स्वतःचं अॅप २०११पासून उपलब्ध झालं आहे. अँड्रॉइड आणि इतर ऑपरेटिंग सिस्टिम्समध्ये म्हणजे अगदी अँड्रॉइड-११ लाँच होईपर्यंत फाइल शेअर करण्यासाठी थर्ड-पार्टी अॅप्लिकेशन्स वापरावी लागत होती. ड्युएल कॅमेरा हल्लीच्या स्मार्टफोनमध्ये असलेल्या ड्युएल कॅमेरा सेटअपची सुरुवातदेखील आयफोनपासून झाली. आयफोन ७ प्लसमध्ये पहिल्यांदा सेकेंडरी टेलिफोटो लेन्सचा वापर केला गेला. आयफोनमध्ये होणारे बदल हे ट्रेंडसेटर ठरतात, म्हणूनच आयफोनची लोकप्रियता तो लाँच झाल्यापासून गेली १५ वर्षं वाढतच चालली आहे.
from Gadget News in Marathi: Computer, Mobile, Auto News in Marathi | Maharashtra Times https://ift.tt/FZ1aEbG4Y
