न्यूयॉर्क- हॉलिवूड सेलिब्रिटी किम कर्दाशियन आणि तिचा नवरा कान्ये वेस्ट यांच्या नात्यात कटूता आली असल्याचं म्हटलं जात आहे. कान्ये अमेरिकेच्या राष्ट्राध्यक्ष पदाच्या निवडणूकीसाठी उभा राहिला आहे. यासाठीचं पहिलं भाषण त्याने रविवारी दिलं. यावेळी त्याने किम आणि त्याच्या नात्याबद्दल मोकळेपणाने चर्चा केली. पण नेमही हीच गोष्ट किमला आवडली नाही. कान्ये म्हणाला की, किम आणि तो त्यांच्या पहिल्या मुलाच्यावेळी गर्भपात करण्याचा विचार करत होते. तसेच सध्या किम कान्येला घटस्फोट देण्याचा विचार करत असल्याचंही तो म्हणाला. ट्विटरवरच कान्येने किमशी निगडीत अनेक वादग्रस्त वक्तव्य केलं. असं म्हटलं जातं या सर्व गोष्टींमुळे सध्या किम चिंतीत आहे आणि ती आपल्या पतीची मदत करू इच्छिते.कान्येचं पहिलं भाषण आणि किमबद्दलची त्याची वक्तव्य समोर आल्यानंतर किमने त्याच्या मानसिक आजाराबद्दल बोलण्याचा निर्णय घेतला. किमने सोशल मीडियावर सांगितलं की, कान्ये बायपोलर डिसऑर्डर या आजाराने ग्रस्त आहे. तिने लिहिले की, 'तुमच्यातील अनेकांना हे माहीत आहे की कान्येला बायपोलर डिसऑर्डर आहे. ज्यांना हा आजार आहे किंवा त्यांच्या कुटुंबियांना हे चांगलं माहीत असेल की त्याच्यासाठी हे किती कठीण असेल. सार्वजनिकरित्या मी कधीच याबद्दल काही बोलले नाही. पण आज मी यावर बोलू इच्छिते.'
किमने तिच्या खासगी आयुष्याबद्दल कधीही चर्चा केली नाही. पण पती कान्ये वेस्टला साथ देण्यासाठी तिने आता या आजारावर बोलण्याचं ठरवलं आहे. किम त्याला घटस्फोट देणार असं कान्येने जरी सांगितलं असलं तरी किम पतीची साथ सोडणार नाही. त्याला आवश्यक ती सर्व मदत करण्याची तिची तयारी आहे. कान्येने सलग केलेल्या ट्वीटमध्ये म्हटलं होतं की, 'गेल्या काही काळापासून तो किमला घटस्फोट देण्याचा प्रयत्न करत आहे.'
असंही म्हटलं जातं की, सध्या दोघंही वेगवेगळी राहत आहेत. किम लॉस एन्जेलिसमध्ये राहते तर कान्ये Wyoming येथे राहत आहे. आठवड्याभरापासून कान्येने आपल्या मुलांना पाहिलंही नाही. किम स्वतः नवऱ्याकडे जाऊ इच्छिते पण कान्येच तिला आपल्या जवळ येऊ देत नाही. हॉलिवूड न्यूज पोर्टलने प्रसिद्ध केलेल्या वृत्तानुसार, किम गेल्या महिन्याभरापासून कान्ये वेस्टची मदत करू इच्छित आहे. पण कान्येचं वागणं दिवसें दिवस बिघडत चाललं आहे.
किमला संशय आहे की त्याने आजारावरच्या गोळ्या घेणं बंद केलं आहे. या कठीण काळात किमने मुलांना बहिणीच्या घरी ठेवलं आहे. वडिलांचं असं रूप मुलांनी पाहू नये म्हणून ती वडिलांपासून मुलांना दूर ठेवत आहे. सूत्रांनी दिलेल्या माहितीनुसार, किम कान्येला कधीच घटस्फोट देणार नाही. पण या आजारात कान्ये घटस्फोटासाठी केव्हाही अर्ज करू शकतो अशी तिला भीती वाटत आहे. तसेच या परिस्थितीत किमला नवऱ्याला एकटंही सोडायचं नाहीये.
किम कर्दाशियन आणि कान्ये वेस्टच्या नात्याची सुरुवात २०१२ मध्ये झाली होती. २०१० मध्ये दोघांची मैत्री झाली. २०१२ मध्ये दोघं एकमेकांच्या प्रेमात पडले. पण तेव्हा किम अमेरिकन फुटबॉलर Kris Humphries ची पत्नी होती. २०१३ मध्ये क्रिस आणि किमचा घटस्फोट झाला आणि ते वेगळे झाले. कान्ये आणि किम एकमेकांना डेट करत असताना किम प्रेग्नेंट राहिली. जून २०१३ मध्ये मुलीला नार्थ वेस्टला जन्म दिला.
किम कर्दाशियन आणि कान्ये वेस्टच्या नात्याची सुरुवात २०१२ मध्ये झाली होती. २०१० मध्ये दोघांची मैत्री झाली. २०१२ मध्ये दोघं एकमेकांच्या प्रेमात पडले. पण तेव्हा किम अमेरिकन फुटबॉलर Kris Humphries ची पत्नी होती. २०१३ मध्ये क्रिस आणि किमचा घटस्फोट झाला आणि ते वेगळे झाले. कान्ये आणि किम एकमेकांना डेट करत असताना किम प्रेग्नेंट राहिली. जून २०१३ मध्ये मुलीला नार्थ वेस्टला जन्म दिला.
from Marathi Bollywood News, Marathi Cinema News https://ift.tt/32L92Jb
