मुंबई :हॉलिवूड सुपरस्टार आपल्या धमाकेदार अॅक्शन सीन्ससाठी ओळखला जातो. 'मिशन इम्पॉसिबल' या त्याच्या चित्रपट मालिकेत त्याने केलेले स्टंट पाहून आश्चर्यचकित व्हायला होतं. पण, असाच एक धोकादायक स्टंट करताना टॉमला अपघात झाला आहे. सुदैवानं या अपघातात त्याला फारशी दुखापत झालेली नाही. परंतु कोट्यवधी रुपयांचा सेट मात्र या अपघातामध्ये जळून खाक झाला आहे. परिणामी लॉकडाउनच्या काळात निर्मात्यांना मोठं नुकसान झालं असून आर्थिक फटका बसला आहे. त्याबरोबरच ते चित्रीकरण देखील पुढे ढकलण्यात आलं आहे. अभिनेता टॉम क्रूज '' हा आपला नवा चित्रपट घेऊन लवकरच प्रेक्षकांच्या भेटीस येणार आहे. या चित्रपटाचं चित्रिकरण काही दिवसांपासून ब्रिटनमधील ऑक्सफोर्डशायर येथे सुरू आहे. दरम्यान एका सीनमध्ये टॉमला बाइक चालवत एका इमारतीवरुन दुसऱ्या इमारतीवर उडी मारायची होती. हा स्टंट जवळपास तीस फूट उंचीवरुन केला जात होता. स्टंट करताना टॉमचा तोल गेला आणि त्याच्या बाइकला अपघात झाला. इतक्या उंचीवरुन चालती बाइक खाली पडल्यामुळे पेट्रोलची टाकी फुटली आणि त्या ठिकाणी आग लागली. या आगीमुळे जवळपास २५ टक्के सेट जळून खाक झाला. या अपघातात एक महागडा कॅमेरादेखील फुटला आहे. परिणामी निर्मात्यांना जवळपास वीस कोटी रुपयांचं नुकसान झाल असल्याचं कळतंय. या अपघातामुळे 'मिशन इम्पॉसिबल ७'चं चित्रीकरण पुढे ढकलण्यात आलं आहे.
from Marathi Bollywood News, Marathi Cinema News https://ift.tt/3hlwSQq
