मुंबई: काही दिवसांपूर्वी 'मिर्झापूर' ही वेब सीरिज प्रचंड गाजली होती. 'मिर्झापूर'च्या दुसऱ्या सीझनची चाहते आतुरतेनं वाट पाहत आहेत. या सीरिजच्या चाहत्यांसाठी एक आनंदाची बातमी आहे. 'मिर्झापूर २' लवकरच चाहत्यांच्या भेटीला येणार आहे. पहिल्या सीझनमध्ये अली फजल, पंकज त्रिपाठी, देव्यंदू शर्मा आणि विक्रांत मेसी या कलाकारांच्या अभिनयाचं बरंच कौतुक झालं होतं. त्यांनतर 'मिर्झापूर'चा दुसरा सीझन पाहण्यासाठी प्रेक्षक उत्सुक आहेत. पहिल्या सीझनमध्ये निर्माण झालेल्या अनेक प्रश्नांची उत्तरं दुसऱ्या सीझनमध्ये प्रेक्षकांना मिळणार आहेत. 'मिर्झापूर सीरीज २' वेब सीरिजमध्ये गुड्डू पंडितचा नवा अंदाज पाहण्यासाठी चाहते उत्सुक आहेत. चाहत्यांना त्यासाठी आणखी काही महिने वाट पाहावी लागणार आहे. नवा सीझन २५ नोव्हेंबर रोजी येणार असल्याचं सांगण्यात येत होतं. पण आता सप्टेंबर महिन्यातच म्हणजे पुढच्या महिन्यात प्रेक्षकांच्या भेटीला येण्याची शक्यता आहे.'मिर्झापूर २'चं चित्रीकरण खूप आधीच पूर्ण झालं होतं. परंतु, लॉकडाउनमुळं पोस्ट प्रोडक्शनचं काम थांबलं होतं. आता सीरिजमधील सर्व कलाकारांनी डबिंगचं काम सुरू केलं असून पोस्टप्रॉडक्शनही पूर्ण झालं आहे. ओटीटी (ओव्हर-द-टॉप) प्लॅटफॉर्मचा मार्ग टीव्ही मालिकांना कंटाळलेले अनेक जण आता ओटीटी (ओव्हर-द-टॉप) प्लॅटफॉर्मचा मार्ग निवडू लागले आहेत. तरुणांसाठी तर हे मनोरंजनाचं आवडतं माध्यम बनलं आहे. काही अपवाद वगळता वेब आशयाचा दर्जाही वाढत चालला आहे. वेब सीरिजना मिळणारं यश पाहता, अनेक बडे निर्मिती बॅनर वेब दुनियेत येऊ लागले आहेत. बॉलिवूडचे बडे कलाकारही वेब सीरिजला प्राधान्य देताना दिसतायत. कोणी वेब सीरिजची निर्मिती करतोय तर कोणी स्वतः वेबच्या स्क्रीनवर झळकतंय. पुढील चार-पाच महिने वेब सीरिज आवडणाऱ्या प्रेक्षकांसाठी पर्वणीचे असून, वीसहून अधिक नव्या वेब सीरिज प्रदर्शनासाठी तयार आहेत. दुसरं पर्व काही वेब सीरिजचे सात-आठ एपिसोड बघून प्रेक्षकांचं मन भरलेलं नाही. आवडत्या वेब सीरिजचं दुसरं पर्व कधी येणार या प्रतीक्षेत ते आहेत. ही प्रतीक्षा लवकरच संपणार आहे. कारण अनेक लोकप्रिय वेब सीरिजचे दुसरे पर्व येत्या महिन्यात प्रदर्शित होत आहेत. उत्तर प्रदेशच्या गँगवॉरची कथा सांगणारा 'मिर्झापूर २' तर क्रिकेटच्या मैदानावरील सट्टेबाजीवर प्रकाश टाकणारा 'इनसाईड एज २' प्रदर्शित होणार आहे. त्याचप्रमाणे 'ब्रोकन बट ब्युटीफुल २', 'फ्लॅम्स २' आणि 'ब्रेथ २' यांसारख्या वेब सीरिजचं दुसरे पर्व वेबवर यायला तयार आहेत.
from Marathi Bollywood News, Marathi Cinema News https://ift.tt/31f57TO
