मुंबई: बॉलिवूड अभिनेत्री हिचा आज वाढदिवस. ती नेहमीच कोणत्या ना कोणत्या कारणांमुळं चर्चेत असते. तिनं केलेल्या वक्तव्यांमुळं तिला अनेकदा ट्रोल देखील करण्यात आलं आहे. तिनं गपचूप केलेलं लग्न असो किंवा तिच्या गरोदर पणाची बातमी नेहमीच चर्चा झाली आहे. अलीकडेच 'इट्स हर चॉईस' या तिच्या वक्तव्यामुळं नेहा खूप ट्रोल करण्यात आलं होतं. पण, 'ट्रोलिंगमुळे मी डगमगलेले नाही. मी माझ्या वक्तव्यावर ठाम आहे. मी ट्रोलर्सला घाबरणार नाही, मला जे योग्य वाटतं ते मी बोलेनच', असा आक्रमक पवित्रा नेहानं घेतला होता. नेमकं काय म्हणाली होती नेहा... नेहा धुपिया रोडीज रिवॉल्यूशन सीझनची परिक्षक आहे. या शोच्या ऑडिशन दरम्यान एका मुलानं त्याच्या प्रेयसीच्या कानशिलात लगावल्याचं सांगितलं. तिचे पाच प्रियकर असल्यामुळं त्यानं तिला मारल्याचं स्पष्टीकरण त्यानं दिलं. नेमकी हीच गोष्ट नेहाला आवडली नाही आणि तिने स्पर्धकाला अनेक गोष्टी सुनावल्या. नेहा त्या स्पर्धकाला म्हणाली की, 'हे जे तू निरर्थक बोलतो की ती एका नाही तर पाच मुलांसोबत होती, तर ऐक, तिने कोणासोबत फिरावं हे ती ठरवणार. कदाचित प्रॉब्लेम तुझ्यात असेल. जर तिने तुला चीट केलं तर कदाचित ती तुझ्यासोबत आनंदी नसेल. कोणतीही गोष्ट तुला एका मुलीवर हात उचलण्याची परवानगी देत नाही.' गुपचूप 'शुभमंगल' नेहानं अभिनेता अंगद बेदीशी गुपचूप लग्न करत फॅन्सना धक्का दिला होता.माजी क्रिकेटर बिशन सिंह बेदी यांचा मुलगा आणि 'बेस्ट फ्रेन्ड' याच्याशी लग्न केलंय. दिल्लीतील गुरूद्वारामध्ये कुटुंबातील सदस्य आणि काही मोजक्या मित्र-मंडळींच्या उपस्थितीत हा विवाह सोहळा पार पडला होता. लग्नानंतर काही महिन्यातच नेहानं तिच्या मुलीला जन्म दिला. त्यामुळं ती लग्नापूर्वीच गरोदर होती का? अशा चर्चाही रंगल्या होत्या. काहीही फरक पडत नाही ट्रोलिंगबाबत नेहा म्हणते की, 'आपल्या समाजात स्त्रियांवर अनेक अत्याचार होत आहे. कौटुंबिक हिंसाचार, ब्रेकअप, घटस्फोट, मानसिक त्रास यामुळे स्त्रिया त्रासल्या आहेत. स्त्रियांच्या हक्कांसाठी आवाज उठवणं हे माझं कर्तव्य आहे असं मी समजते. माझं कर्तव्य मी चोख बजावत आहे. 'रोडीज'मध्ये केलेल्या वक्तव्यावर मी ठाम आहे. मला यावरुन ट्रोल करण्यात आलं. परंतु, मला त्यामुळे काहीही फरक पडत नाही.' V
from Marathi Bollywood News, Marathi Cinema News https://ift.tt/32xKNfZ