मुंबई: बॉलिवूड अभिनेता सुशांतसिंह राजपूत याच्या मृत्यू प्रकरणी रिया चक्रवर्ती हिच्या अडचणीत दिवसेंदिवस वाढ होताना दिसत आहे. रिया आणि तिच्या कुटुंबियावर सुशांतच्या मृत्यू प्रकणात गंभीर आरोप करण्यात आले आहेत. या प्रकरणाचा तपास आता सीबीआयकडं सोपवण्यात आल्यानं सत्य सर्वांसमोर येईल पण त्यापूर्वी रियाला आणखी एक मोठा धक्का बसला आहे. सुशांतच्या निधनानंतर रियावर प्रचंड टीका करण्यात येत आहे. रियानं पैशांसाठी सुशांतचा वापर केला असून तो डिप्रेशनमध्ये असल्याचं खोटं सांगितलं, असंही म्हटलं जाच आहे. रियाला सोशल मीडियावरही प्रचंड ट्रोल करण्यात येत असून याचा विचार करता आणि बॉलिवूड निर्मात्यांनी देखील तिच्यापासून चार हात लांब राहण्याचा विचार केल्याचं पाहायला मिळत आहे. सुशांत मृत्यू प्रकरणानंतर रियाचं फिल्मी करिअर आता संपुष्टात आल्याचं अनेकांनी म्हटलं आहे. निर्माता लोम हर्ष यानं त्याच्या आगामी चित्रपटासाठी रियाच्या नावाचा विचार केला होता, परंतु आता तिचं नाव यादीतून काढून टाकलं असल्याचं त्यानं म्हटलं आहे. 'टाइम्स ऑफ इंडिया'ला दिलेल्या मुलाखतीत त्यानं यासंदर्भात खुलासा केलाय. 'चिकन बिरयानी' आणि 'ये है इंडिया' अशा चित्रपटांचं दिग्दर्शन केल्यानंतर आगामी चित्रपटासाठी मुख्य भूमिकेसाठी आम्ही रियाच्या नावाचा विचार करत होतो, पण सुशांतच्या निधनानंतर जे काही सुरू आहे त्यावरून तिच्या नावाचा विचार डोक्यातून काढून टाकला, असं लोम हर्ष यानं म्हटलं आहे. 'कर नाही तर डर कशाला' लोम हर्ष यानं रियावर निशाणा साधला असून ती सुशांतची गर्लफ्रेंड होती, त्यामुळं तिला अनेक गोष्टी माहिती असणार यात शंका नाही. तिनं स्वत:हून समोर येऊन काही गोष्टींचा खुलासा करायला हवा होता. रियानं खरंच सुशांतवर प्रेम केलं होतं, तर आता तिनं सीबीआय तपासात संपूर्ण सहकार्य करायला हवं. ती स्वत:चं फिल्मी करिअर वाचवण्यासाठी करत असेल तर त्याचा काहीही फायदा नाही, ते आधीच संपल्यात जमा आहे', असंही लोम हर्ष यानं म्हटलं आहे.
from Marathi Bollywood News, Marathi Cinema News https://ift.tt/2Q7St2w
