मुंबई: गेल्या काही महिन्यात कर्करोगानं मनोरंजन क्षेत्रातील दिग्गज कलाकारांचा बळी घेतला. सिनेसृष्टीतील आणखी एका प्रसिद्ध कलाकाराचं कर्करोगामुळं निधन ' फेम सुपरस्टार सुपरस्टार चॅडवीक बोसमन () यांचं वयाच्या ४३ व्या वर्षी निधन झालं. त्यांच्या निधनानं हॉलिवूडला मोठा धक्का बसला आहे. गेल्या चार महिन्यांपासून चॅडवीक बोसमन यांची प्रकृती ढासळली होती. अखेर शुक्रवारी त्यांनी लॉस एंजिलिस येथील त्यांच्या राहत्या घरी अखेरचा श्वास घेतला. कुटुंबियांनी अधिकृत पत्रक जाहीर करून चॅडवीक बोसमन यांच्या निधनाची माहिती दिली आहे.' चॅडवीक बोसमन हे लढवय्ये होते. कर्करोगाशी झुंज सुरू असताना त्यांनी चित्रपटांमध्ये काम सुरू ठेवलं. 'ब्लॅक पँथर' या चित्रपटात किंग टी-चल्ला ही व्यक्तिरेखा साकारणं ही त्यांच्यासाठी सन्मानाची गोष्ट होती. त्यांनी त्यांच्या या आजाराबद्दल जाहीर कुणाला काही सांगितलं नव्हतं. त्यांच्या पश्चात आईवडील व पत्नी असं कुटुंब आहे', असं या पत्रकात लिहिण्यात आलं आहे. २०१६मध्ये चॅडवीक बोसमन यांना कर्करोग झाल्याचं निदान झालं होतं. २०२०मध्ये त्यांचा हा कर्मरोग चौथ्या टप्प्यात पोहोचला. कर्करोगाच्या उपचारादरम्यान त्यांच्यावर अनेक शस्त्रक्रिया करण्यात आल्या होत्या. तसंच केमोथेरपीदेखील सुरु होती. असं असलं तरी 'शो मस्ट गो ऑन' म्हणत त्यांनी त्यांचं काम सुरूच ठेवलं होतं, कामातून ब्रेक घेतला नव्हता. कर्करोगाचे उपचार सुरू असताना त्यांना 'मार्शल', 'मा रेनीज ब्लॅक बॉटम' सारख्या चित्रपटांमध्ये काम केलं होतं. त्यांचे दोन चित्रपट अद्याप प्रदर्शित झाले नाहीत. चॅडवीक बोसमन यांच्या सहकलाकारांनी आणि अनेक क्षेत्रातील सेलिब्रिटींन बोसमन यांना श्रद्धांजली वाहिली आहे.
from Marathi Bollywood News, Marathi Cinema News https://ift.tt/31Cgwx5
