भारतात मिड रेंज स्मार्टफोनची मार्केटमध्ये वेगाने वाढ होत आहे. या सेगमेंटमध्ये Xiaomi, Realme आणि Samsung ने यावर आपले स्थान आणखी बळकट केले आहे. मिड-रेंज मार्केटमध्ये स्पर्धा जोरात आहे. प्रत्येक ब्रँड कंपनी कमी किंमतीत अनेक हार्डवेयर ग्राहकांसाठी उपलब्ध करून देत आहे. Realme 6 सीरीज़, Poco X2, Samsung Galaxy M31 आणि नुकताच लाँच झालेला Motorola One हे स्मार्टफोन उदाहरणासाठी पुरेसे आहेत. या सर्व स्मार्टफोनची सुरुवातीची किंमत २० हजारांपेक्षा कमी आहे. तसेच या स्मार्टफोनमध्ये जबरदस्त फीचर्स देण्यात आले आहेत. जर तुम्हाला स्मार्टफोनमध्ये एक चांगला कॅमेरा सेटअप हवा असेल तर या ठिकाणी आम्ही तुम्हाला खास स्मार्टफोनची माहिती देत आहोत. ज्यात ६४ मेगापिक्सलचा प्रायमरी सेन्सर कॅमेरा तसेच रियर कॅमेरा सेटअप आहे. २० हजारांपेक्षा कमी किंमत असलेले आणि ६४ मेगापिक्सलचा कॅमेरा असलेले खास स्मार्टफोन....Realme 6 सीरीजला भारतात या वर्षी मार्चमध्ये लाँच करण्यात आले होते. सीरीजमध्ये दोन स्मार्टफोन Realme 6 आणि Realme 6 Pro स्मार्टफोन लाँच करण्यात आले होते. या दोन्ही स्मार्टफोनमध्ये ६४ मेगापिक्सलचा क्वॉड रियर कॅमेरा सेटअप दिला आहे. या दोन्ही फोनच्या किंमतीत फरक आहे. रियलमी ६ ला १२ हजार ९९९ रुपये आणि रियलमी ६ प्रोला १६ हजार ९९९ रुपयांच्या किंमतीत लाँच करण्यात आले होते. परंतु, त्यानंतर या फोनच्या किंमतीत अनेकवेळा वाढ करण्यात आली आहे. आता Realme 6 ची किंमत १४ हजार ९९९ रुपये आणि Realme 6 Pro ची सुरुवातीची किंमत १७ हजार ९९९ रुपये झाली आहे.
या यादीत रेडमी नोट ९ प्रो मॅक्सचा स्मार्टफोन येतो. जो मिड रेंज सेगमेंटमध्ये खूप यशस्वी ठरला आहे. या स्मार्टफोनला यावर्षी मार्च महिन्यात लाँच केले होते. दमदार परफॉर्मन्स, जबरदस्त बॅटरी आणि ६४ मेगापिक्सलचा कॅमेरा सेटअप असल्याने हा फोन अनेकांच्या पसंतीस उतरला आहे. या फोनचे तीन व्हेरियंट आहेत. Redmi Note 9 Pro Max च्या ६ जीबी रॅम प्लस ६४ जीबी स्टोरेजच्या फोनची किंमत १६ हजार ९९९ रुपये, ६ जीबी रॅम प्लस १२८ जीबी स्टोरेजच्या फोनची किंमत १८ हजार ४९९ रुपये आणि ८ जीबी रॅम प्लस १२८ जीबी स्टोरेजच्या फोनची किंमत १९ हजार ९९९ रुपये आहे. या फोनमध्ये क्वॉड रियर कॅमेरा सेटअप मध्ये प्रायमरी सेन्सर ६४ मेगापिक्सलचा आहे. ८ मेगापिक्सलचा सेकंडरी कॅमेरा आहे.
Samsung ने २०२०मध्ये मिड रेंज मार्केटमध्ये खूप जबरदस्त परफॉर्म केला आहे. कंपनीचे Galaxy M-सीरीजचे फोन खूप फेमस झाले आहेत. Samsung Galaxy M31 आणि Galaxy M31s हे दोन सुद्धा खूप यशस्वी झाले आहेत. या दोन्ही स्मार्टफोनमध्ये ६४ मेगापिक्सलचा रियर कॅमेरा सेटअप दिला आहे. सॅमसंग गॅलेक्सी एम३१ चार रियर कॅमेऱ्याचा स्मार्टफोन आहे. यात 64 मेगापिक्सलचा Samsung ISOCELL Bright GW1 प्रायमरी सेंसरचा वापर करण्यात आला आहे. तसेच यात ८ मेगापिक्सलचा सेकंडरी कॅमेरा आणि ५ मेगापिक्सलचा मायक्रो शूटर आणि ५ मेगापिक्सलचा डेप्थ सेन्सर दिलाआहे. तर Samsung Galaxy M31s मध्ये सुद्धा ६४ मेगापिक्सलचा प्रायमरी कॅमेरा दिला आहे. परंतु, यात Sony IMX682 सेंसरचा वापर करण्यात आला आहे.
मोटोरोलाचा मिड रेंज मार्केटमध्ये आलेल्या Motorola One Fusion+ या स्मार्टफोनची खूप चर्चा झाली आहे. या फोनचा बॅटरी बॅकअप आणि सेल्फी कॅमेरा तसेच मोठा डिस्प्ले जबरदस्त आहे. या फोनच्या रियर कॅमेऱ्याचे सुद्धा एक खास वैशिष्ट्ये आहे. हा स्मार्टफोन भारतात जूनमध्ये लाँच करण्यात आला होता. परंतु, आता या फोनच्या किंमतीत वाढ करण्यात आली आहे. ६ जीबी रॅम प्लस १२८ जीबी स्टोरेजच्या फोनची किंमत १७ हजार ४९९ रुपये आहे. या फोनमध्ये ६४ मेगापिक्सलचा प्रायमरी कॅमेरा, ८ मेगापिक्सलचा अल्ट्रा वाइड अँगल कॅमेरा आणि ५ मेगापिक्सलचा मायक्रो लेन्स, २ मेगापिक्सलचा डेप्थ सेन्सर कॅमेऱ्याचा समावेश आहे. तसेच १६ मेगापिक्सलचा पॉप अप कॅमेरा दिला आहे.
पोकोच्या या फोनमध्ये चार रियर कॅमेरे देण्यात आले आहेत. या फोनमध्ये ६४ मेगापिक्सलचा Sony IMX686 सेंसर दिला आहे. २ मेगापिक्सलचा मायक्रो लेन्स, २ मेगापिक्सलचा डेप्थ सेन्सर आणि १२० डिग्री वाइड अँगलचा ८ मेगापिक्सलचा सेन्सर दिला आहे. Poco X2 मध्ये ड्यूल सेल्फी कॅमेऱ्यासोबत २० मेगापिक्सलचा प्रायमरी सेन्सर आणि २ मेगापिक्सलचा डेप्थ सेन्सर दिला आहे.Poco X2 च्या 6 जीबी + 64 जीबी आणि 6 जीबी + 128 जीबी स्टोरेज व्हेरियंटची किंमत अनुक्रमे १७ हजार ४९९ रुपये आणि १८ हजार ४९९ रुपये आहे. तसेच या फोनचा ८ जीबी रॅम प्लस २५६ जीबी स्टोरेज व्हेरियंटची किंमत २१ हजार ४९९ रुपये आहे.
from Gadget News in Marathi: Computer, Mobile, Auto News in Marathi | Maharashtra Times https://ift.tt/30Wvlud
