मुंबई- सुशांतसिंह राजपूतच्या मृत्यूची चौकशी आता सीबीआय करणार आहे. या केसच्या चौकशीला सुरुवातही झाली. सीबीआयने याप्रकरणी सुशांतची कथित गर्लफ्रेंड रिया चक्रवर्ती, इंद्रजीत चक्रवर्ती, संध्या चक्रवर्ती, शोविक चक्रवर्ती, सॅम्युअल मिरांडा, श्रुती मोदी यांच्याविरोधात एफआयआर दाखल केली आहे. सुशांतच्या केसची चौकशी एसआयटी ही टीम करेल. मनोज शशिधर हे या टीमला लीड करणार आहेत आणि डीआयजी गगनदीप गंभीर या चौकशीवर लक्ष ठेवून असतील. चौकशीसाठी अनिल यादव (इन्वेस्टिगेटिंग ऑफिसर) आयओ यांची नियुक्ती करण्यात आली आहे. सीबीआयच्या या टीमने विजय माल्याची केस हाताळली आहे. सुशांतचे वडील केके सिंह यांनी रिया चक्रवर्तीविरोधात पटणात एफआयआर दाखल केली होती. यानंतर याच्या चौकशीसाठी बिहारची टीम मुंबईत दाखल झाली होती. यानंतर मुंबई पोलिसांनी बिहा पोलिसांच्या टीमला आवश्यकती मदत न केल्याचा आरोप सातत्याने होत राहिला. आता या प्रकरणाची चौकशी सीबीआयकडे गेली आहे. महाराष्ट्र सरकारच्या मते, ही केस सीबीआयला देण्यामागे येणाऱ्या बिहार निवडणूकीत या केसचा फायदा उचलणं आहे. दरम्यान, सर्वोच्च न्यायालयाने रिया चक्रवर्तीच्या वकिलांनी 'प्रोटेक्टिव ऑर्डर'ची याचिका दाखल केली होती. मात्र न्यायालयाने ही याचिका फेटाळून लावली. त्यामुळे बिहारची टीम रियाची चौकशी करू शकते. रियाला द्यावे लागतील बिहार पोलिसांच्या प्रश्नांची उत्तरं- सुशांतच्या केसमध्ये सर्वात मोठी घडामोड ही आहे की केंद्राने या प्रकरणाची चौकशी सीबीआयकडे दिली आहे. तसेच सर्वोच्च न्यायालयाने रियाच्या वकिलांकडून सादर केलेल्या अंतरिम संरक्षणाची विनंती नाकारली आहे. न्यायालयाने सांगितले की, प्रतिभावान अभिनेत्याचा असामान्यरित्या मृत्यू झाला आहे. सत्य सर्वांसमोर आलं पाहिजे. आता बिहार पोलीस रियाची चौकशी करेल. तसेच वरिष्ठ अधिकाऱ्याला क्वारन्टीन करून जनतेसमोर चांगला संदेश ठेवला नाही. महाराष्ट्र सरकारलाही न्यायालयाने यासंबंधी प्रश्न विचारले. सुशांतच्या वडिलांनी दाखल केली होती एफआयआर सुशांतसिंह राजपूतच्या वडिलांनी रिया चक्रवर्तीसह ५ जणांविरोधात पटणातील राजीव नगर पोलीस ठाण्यात एफआयआर दाखल केली. यात त्यांनी आत्महत्येसाठी प्रवृत्त करण्यासोबत अनेक गंभीर आरोप केले. रियाने पैशांसाठी सुशांतला फसवल्याचंही त्यांनी यात म्हटलं. दरम्यान, बॉलिवूड अभिनेता सुशांतसिंह राजपूतच्या मृत्यूप्रकरणी अंमलबजावणी संचालनालयाने (ईडी) रिया चक्रवर्तीला समन्स पाठवला आहे. सुशांतची केस मनी लॉण्डिंगशी जोडली गेली असल्यामुळे ईडीने रियाला विचारण्यासाठी प्रश्नांची एक यादीच तयार केली आहे. ईडीने रियाला तिच्या मुंबईतील घरी आणि ईमेलमार्फत समन्स पाठवला आहे. असं म्हटलं जातं की ईडीची मुंबई ब्रान्च रियाची तीन भागांमध्ये चौकशी करणार आहे.
from Marathi Bollywood News, Marathi Cinema News https://ift.tt/2PCVZ4F