मुंबई- प्रकरणाची अमली पदार्थांच्या अँगलनेही चौकशी केली जात आहे. नारकोटिक्स कंट्रोल ब्यूरोने जेव्हापासून ही केस आपल्या हातात घेतली त्या दिवसापासून दररोज नवनवीन खुलासे होत आहेत. आतापर्यंतच्या चौकशीत जया साहाने एनसीबीकडे मान्य केलं की तिने श्रद्धा कपूरसाठी सीबीडी तेल विकत घेतलं होतं. चौकशीत जयाने आणखीही बऱ्याच सेलिब्रिटींची नावं घेतली. जयाच्या चौकशीच्याआधी सारा अली खान, रकुल प्रीत सिंग, दीपिका पादुकोण, दिया मिर्झा अशा ए- लिस्ट सेलिब्रिटींची नावं समोर आली होती. जयाने बर्‍याच लोकांसाठी सीबीडी तेल विकत घेतले मंगळवारी झालेल्या चौकशीत एनसीबीने जया साहाला तिच्या व्हॉट्सअ‍ॅप चॅटबद्दल विचारले. या चौकशीत जया साहाने मान्य केलं की तिने श्रद्धा कपूरशिवाय सुशांतसिंह राजपूत, , निर्माता मधु मंटेना आणि स्वत: साठी सीबीडी तेलाची ऑनलाईन ऑर्डर दिली होती. यासाठी कोणत्याही ड्रग्ज पेडलर्सशी संपर्क साधला नसल्याचंही जयाने सांगितलं. जया आणि रिया चक्रवर्तीचे ड्रग्ज चॅट समोर आले होते. यात दोघी ड्रग्जबद्दल स्पष्टपणे बोलताना दिसत होत्या. यानंतरच एनसीबीने जयाला चौकशीसाठी बोलावले होते. जया ही सुशांतसह अनेक बड्या स्टार्सचं काम सांभाळणारी टॅलेन्ट मॅनेजमेन्ट कंपनी क्वानची कर्मचारी आहे. मंगळवारी क्वानचे सीईओ ध्रुव यालाही चौकशीसाठी बोलविण्यात आले. निर्माता मधु मंटेना यांचीही क्वानमध्ये मोठी भागीदारी आहे. बुधवारी जयासह मधु मंटेनाची चौकशी केली जाईल जया साहाची बुधवारीही एनसीबी टीममार्फत चौकशी केली जाणार होती. मात्र मुंबईतील मुसळधार पावसामुळे ही चौकशी उद्यावर ढकलण्यात येऊ शकते. यासोबतच मधु मंटेनालाही चौकशीसाठी समन्स पाठवण्यात आला आहे. 'क्वीन' आणि 'सुपर ३०' यांसारख्या सिनेमांचा मधू निर्माता आहे. मधू आणि जया यांना समोरासमोर बसवून प्रश्न विचारले जाऊ शकतात. सारा, श्रद्धा, रकुलप्रीत आणि दीपिका यांना समन्स पाठविले जाऊ शकतात गेल्या दोन दिवसांत ड्रग रॅकेट प्रकरणात अनेक बड्या नावांनंतर एनसीबी आता बुधवारी सारा अली खान आणि यांना समन्स पाठवण्याची तयारी करत आहे. त्यासोबतच दीपिका पादुकोण आणि रकुल प्रीत सिंग यांनाही समन्स पाठविण्यात येणार आहे. सारा, श्रद्धा आणि रकुल प्रीत सिंग यांनी लोणावळा फार्महाऊसवर सुशांत आणि रियासोबत पार्टी केली होती. या पार्टीत गांजा आणि इतर अमली पदार्थांचं सेवन केल्याचीही चर्चा आहे.
from Marathi Bollywood News, Marathi Cinema News https://ift.tt/32UIeWz
